1 Samuel 16:1 - ICIGHAN BIBILO

¹ Tsô TER kaa a Samuel er: Ka hanma shighe je ú de u zungwen Saulu er M vende un u teman tor sha Iseraele? Haa mkurem ken korough ough poo; yô, za, Me tindi u hen Yese or u Betelehem, gadia ka ken ônov nav M tsough tor Wam ye.

1 Samuel 16:1 Iomraidhean Croise

1 Utor 8:16

Hii sha iyange i M due a ior Av Iserael ken tar u Igipiti la je, M tsuwa ma gar ken ikwe i Iserael Mer, Me maa iyou sha u iti Yam i̱ lu ker ga; kpa M tsuwa Davidi Mer, a̱ tema tor sha ior Av Iserael.

2 Utor 9:1

Tsô profeti Elisha yila wanyeprofeti ugen, a kaa a na er: Fiir ikondo, kôr tumugh ku mkuregh kun sha uwe, za hen Ramoti-gileadi.

2 Utor 9:3

Gema tumugh ku mkuregh kun haa un sha ityou, kaa wer: TER ngu kaan nahan er: M shighe u mkurem Mer, tema tor sha Iserael. Yô, bugh hunda, yevese, de timbir ga.

2 Utor 9:6

Nahan a mough a nyôr ken iyou; tsô a maa a haa un mkurem sha ityou, a kaa a na er: TER, Aôndo u Iserael, ngu kaan nahan er: M shighe u mkurem Mer, tema tor sha ior i TER, ka Iserael je la.

1 Kroniku 11:3

Tsô mbatamen mba Iserael cii ve va hen tor hen Heberon; Davidi ya ikur a ve hen Heberon sha ishigh ki TER; nahan ve shighe Davidi mkurem ve ver un tor sha Iserael, sha imo i TER i Samuel kaa la.

1 Kroniku 28:4

Nahan kpaa, TER, Aôndo u Iserael, tsuwam ken ya u terem, mo tswen, er m̱ tema tor sha Iserael gbem; gadia A tsuwa Yuda er a̱ lu ityoor, man ken ya u Yuda yô, A verem tor sha Iserael cii;

Yesaia 11:1

Iceren una tser sha ikpughur u Yese, gbaa una due ken amise na, una ume atam je;

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Yeremia 11:14

We yô, de eren msen sha ci u ior mban ga, man de genger mliam shin msen sha ci ve ga; gadia Me kera ungwa ve sha shighe u ve vaa mliam a Mo sha ci u kwagh u a tser ve la ga.

Yeremia 15:1

Nahan TER kaa a mo er: Shin Mose kua Samuel vea tile sha ishigh Yagh je kpaa, mayange Me kera ver ishima sha ior mban ga; zenda ve sha ishigh Yagh kera, ve̱ yem kera.

Yeremia 6:30

Mba yer ve er, azurfa u i te kera, sha ci u TER A te ve kera yô.

Yeremia 7:16

Nahan yô, we, de kera eren msen sha ci u ior mban ga, man shi de genger mliam shin msen sha ci ve ga, man shi de zamber a Mo sha ci ve ga, gadia Me ungwa u ga.

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.

Mbaromanu 15:12

Man shi Yesaia kpaa kaa er, Mise u Yese Una va, ka Un u Una mough Una ya tor sha atôatyev la, ka sha a Na man atôatyev aa veren ishima aa keghen ye.

Mbaheberu 11:32

Tsô me shi me kaa nana? Ian ia va yinam u me ôr kwagh u mba Gidion man Baraki man Samson man Yefeta man Davidi kua Samuel man uprofeti kpaa.

1 Yohane 5:16

Aluer anti or nana nenge anmgbian u nan una lu eren isholibo i i lu u zan ken ku ga yô, nana er msen, tsô Aôndo Una na nan uma, ka mba ve eren isholibo i zan ken ku ga la. Isholibo i zan ken ku kpaa ngi. Ka sha ci u ngila man m kaa mer nana̱ er msen ga.

1 Samuel 10:1

Tsô Samuel tôô gbermkure haa un sha ityou, suse un zwa, kaa er: TER kera shighe u mkurem er u̱ hingir tor sha dyako Na gaa?

1 Samuel 15:11

Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.

1 Samuel 15:23

Gadia, u hendan kwagh, ka er ishor i kpehen nahan, man ityough ki taver gema ka er akombo a sôron kua eev mbu civir nahan. Er u vende u ungwan imo i TER yô, Un kpaa A venda u, u shi lun tor.

1 Samuel 15:26

Kpa Samuel venda a Saulu er: Me hide a we imôngo ga, gadia u venda kwaghôron u TER, nahan TER kpaa venda u u shi lun tor u Iserael.

1 Samuel 15:35

Samuel kera va sôr Saulu ga, zan zan a kar kpen; gadia Samuel lu zungwen Saulu. TER kpaa vihi Un, er A ver Saulu tor sha Iserael yô.

1 Samuel 16:15

Nahan mbayev mba Saulu kaa a na er: Nenge jijingi u bo u a ve hen Aôndo ngu eren we ican.

1 Samuel 16:23

Nahan yô, zum u jijingi u bo u a ve hen Aôndo la, una kenden Saulu yô, Davidi a tôô molo a gba kuhwan sha uwegh nagh; nahan i yôhôl Saulu iyol, a zua a mmem, jijingi u bo kpaa, a undu un.

1 Samuel 17:12

Davidi lu wan u or u Eferata, or u Betelehem u ken Yuda, u i yer iti na er Yese la; lu a ônov anigheni mba nomso; or la lu orbeenyol je sha ayange a Saulu la, tsa sha won ayange ngee.

1 Samuel 9:16

Kper er hegen nahan, Me tindi u a or u ken tar u Benyamin, shighe un mkurem sha u a̱ lu orhemen u ior Av Iserael yô, ka wen una yima ior Av sha ikev i Mbafiliti ye; gadia M nenge ior Av, mliam vem kôndo ar her a Mo je.