1 Samuel 15:23 - ICIGHAN BIBILO

²³ Gadia, u hendan kwagh, ka er ishor i kpehen nahan, man ityough ki taver gema ka er akombo a sôron kua eev mbu civir nahan. Er u vende u ungwan imo i TER yô, Un kpaa A venda u, u shi lun tor.

1 Samuel 15:23 Iomraidhean Croise

Genese 31:19

Er Laban yem sha u za tôndon iyôngo na aive yô, Rahel gema ii ter na terafim.

Genese 31:34

Rahel yô, tôô terafim la wa ken shidi u rakumi, tema sha mi. Laban pev akaa ken tenti wue wue kpa zua a mi ga.

2 Samuel 12:9

Man ka nyi u laha kwaghôron u TER, u er iferkwagh ne sha ashe Na nahana? U wua Uria Orhiti sha sanker, u tôô kwase na a hingir kwase wou; u wua un sha sanker u Mbaamon.

2 Samuel 7:15

kpa erdoo Wam una kar hen na kera ga, er M ngohol un hen Saulu, u M kar a na sha ishigh you kera la nahan ga.

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

Yobu 34:37

Gadia ngu seer anyiman sha kwaghbo na, ngu kuren ave her atô wase, ngu seer a seer kwaghôron na u hendan a Aôndo la.

Upasalmi 107:11

sha ci u ve hendan a akaaôron a Aôndo, man ve laha kwaghwan u Uhembansha yô;

Ekesodu 22:18

De kera deen kwase u eren ahir a̱ luun uma ga.

Yesaia 19:3

Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 8:19

Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Yeremia 16:12

kpa ne yô, ne er ifer hemba uter enev; gadia nenge, hanmô wen nan zenden sha mcighir u ishima i nan i bo, je yô, ne kera ver ato her a Mo ga;

Yeremia 28:16

nahan yô, TER ngu kaan nahan er: Nenge, Me zenda u sha tar kera; ú kpe ken inyom ne je, sha ci u u tese wer, i̱ hendan kwagh a TER yô.

Yeremia 29:32

nahan yô, TER ngu kaan nahan er: Nenge, Me tsaha Shemaia Ornehelam kua tsombor na; una lu a ma or u nana tema ken ior mban ga, man shi una nenge a kwagh u dedoo u Mea er a ior Av kpaa ga, kape Ter A kaa ne gadia a tese er i̱ hendan kwagh a Ter.

Hosea 13:11

M na u tor sha ishima i vihin, man shi M kar a na kera sha iyugh Yam.

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Levitiku 20:27

Aluer nomsoor shin kwase nana lu a jijingi u orkpen shin tsenganpasen akaa yô, i̱ wua ve kpee, i̱ ta ve awen; awambe a ve a̱ lu sha ityouv vev.

Levitiku 20:6

Or u nan ze hen ujijingi mba mbakpenev man mbatsenganpasen akaa sha u nana er idya sha u dondon ve yô, Me kera saan ishigh a or la ga, Me dugh nan ken nongo u nan kera.

Numeri 14:9

Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Aerenakaa A Mbaapostoli 13:22

Va dughun un kera yô, A kende Davidi sha er a̱ tema tor ve, A pase kwagh na er: M zua aa Davidi, wan u Yese, or u sha ishima Yam vough, u una er ishima Yam cii yô.

2 Mbakorinte 6:16

Ka nyi i zough tempel u Aôndo a akombo? Gadia se yô, se mba tempel u Aôndo u uma je. Kape Aôndo A kaa je la er: Me tema hen ve shi Me zenden hen atô ve kpaa, Me lu Aôndo ve, ve kpaa vea lu nongoior Wam.

Mbagalatia 5:20

man u civir akombo man ahir a eren man ihom i kôron man iyongo i keren man iwuhe man ishima i nyoon man u wan iyol you iko tseegh, man u hendan akaa, man mbampav,

Duteronomi 9:24

Hii sha iyange i M fa ne la je, ne lu mbahendan kwagh a TER.

Duteronomi 9:7

Yô, umbur, i̱ de hungul we er yan u bam TER, Aôndo wou, ken desereti la ga; hii sha iyange i u due ken tar u Igipiti la je zan zan shighe u ne ve hen ijiir ne, ne lu hendan kwagh a TER je.

Yosua 22:15

Ve va hen ônov mba Ruben man ônov mba Gadi kua vegherkwe u Manase ken tar u Gileadi, ve va ôr kwagh a ve, ve kaa er:

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.

1 Samuel 13:14

Kpa hegen yô, tartor wou ua kera lu gbem ga; TER ker or Na u sha ishima Na vough, TER ver un er a̱ lu orhemen u ior Nav, sha er u we kwagh u TER A kaa u ne iko ga yô.

1 Samuel 16:1

Tsô TER kaa a Samuel er: Ka hanma shighe je ú de u zungwen Saulu er M vende un u teman tor sha Iseraele? Haa mkurem ken korough ough poo; yô, za, Me tindi u hen Yese or u Betelehem, gadia ka ken ônov nav M tsough tor Wam ye.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.

1 Samuel 28:3

Samuel vande kpen kera ve, Iserael cii vaa ku na, man i ii un ken Rama ken gar na iyol na. Yô, Saulu vande zendan mba ve er kwagh a ujijingi mba mbakpenev man mbatsenganpasen akaa ken tar la kera.