1 Samuel 15:11 - ICIGHAN BIBILO

¹¹ Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.

1 Samuel 15:11 Iomraidhean Croise

Genese 6:6

TER vaa afanyô er Un er or sha won yô, vihi Un ken ishima.

Genese 6:7

TER shi kaa er: Or u M gbe nan ne, Me tim nan sha tar kera, or kua uzendenya man akaa a a kper a kpela inya man inyon i sha; gadia M vaa afanyô er M er ve yô.

2 Samuel 24:16

Zum u ortyom la naregh uwegh sha gar u Yerusalem sha u una tim un yô, mhôônom kôr TER sha kwaghbo la, A gema A kaa a ortyom u timin ior la er: Kuma ve; hide a uwegh ough ijime tsô. Ortyom u TER gema lu hen vande u gbiren alakema u Arauna Oryebushi la.

1 Utor 11:9

Nahan ishima vihi TER a Solomon, sha ci u ishima na i gem, a de u dondon TER, Aôndo u Iserael, u A ande hen a na kwa har la,

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

1 Kroniku 21:15

Shi Aôndo tindi ortyom hen Yerusalem kpaa er a̱ za tim un; er a sôôn u timin un yô, TER nenge, nahan mhôônom kôr Un sha kwagh u bo la, A gema A kaa a ortyom u timin la er: Kuma ve; hide a uwegh ough ijime. Ortyom u TER la gema tile hen vande u gbiren alakema u Ornan, Oryebushi la.

Yobu 34:27

gadia ve kaha ve de u dondon Un, ve kera ver ishima sha ma gbenda Na môm môm je ga;

Upasalmi 109:4

Sha dooshima wam la, ve gema ve hingir mbaahendanev av, kpa mo yô, m lu eren msen.

Upasalmi 110:4

TER bum Una kera vaa afanyô ga: We U ngu pristi u tsôron gbem sha won sha inja i mlu u tom u Melkisedeki la.

Upasalmi 119:136

Ashe am nga haan mliam er uikuwanmbamngerev mba senen yô, sha ci u ve we atindiakaa a Ou iko ga yô.

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Upasalmi 36:3

Akaaôron a nan a ken zwa u nan ka a ifer man a icughugh kpaa; nan undu mfe nan de u eren dedoo kpaa;

Upasalmi 78:41

ve shi ve mee Aôndo, ve bam Icighan u Iserael.

Upasalmi 78:57

kpa ve hide ijime, ve er sha icugh, er uter vev nahan, ve hure er ada u bo nahan.

Ekesodu 32:11

Kpa Mose zamber a TER, Aôndo na, er: Ku TERE, ka nyi man iyugh You i mough a ior Ou ityô, mba U dugh a ve ken tar u Igipiti sha agee a vesen man uwegh ku ageegh nahana?

Ekesodu 32:14

Tsô TER gema ishima de kwaghbo u A kaa er Una er ior Nav la.

Yeremia 11:10

Ve gema ve hide sha u eren aferakaa a uter vev, mba ve venda u ungwan akaaôron Am la; ve gba dondon mbaaôndo mbagenev, civir ve; ya u Iserael kua ya u Yuda ve vihi ikuryan Yam i M ya a uter vev la.

Yeremia 13:17

Kpa aluer ne venda u ungwan un yô, uma wam una vaa ken myer sha ci u iyolmoron la; man ashe am aa vaa tsung, mliam maa haa, sha ci u i kôr ikumuile i TER, i kange i, i yem a mi yô.

Yeremia 34:16

kpa ne gema shi ne hôngor a iti Yam, sha er hanmô wen shi nan hidi a kpan u nan u nomso man kpan u nan u kwase, u lu ne pase ne tuhwa sha ishima ve la; ne gema ve, hingir ne ikpan i nomso man i ukase.

Yeremia 9:1

Ityough yagh ma ki lu ase mngerem man ishe yam kpaa ma i lu ase imbor i mlia, ma m vaa tugh kua tetan sha ci u mba i woo ve ken wankwase u ior av la!

Yeremia 9:18

ve̱ er fefa, ve̱ va gber kwelegh sha ci wase, sha u ashe ase a̱ haa mliam, akurashee kpaa a̱ ndoor mliam ga ga ga.

Esekiel 18:24

Kpa aluer orperapera nana gema á undu perapera u nan man nana er iferkwagh nana eren akaa a ndôhôrshima a iferor nan eren yô, nahan nana lu uma jee? Á kera umbur aerenakaa a nan a perapera a nan lu eren la kwa môm tsô kpaa ga; ka sha ci u mimi ga u nan man sha ci isholibo i nan er la je, nana kpe ye.

Amoshi 7:3

TER gema ishima sha kwagh la. Á kera lu nahan ga, kape TER A kaa la.

Yona 3:10

Aôndo nenge aeren a ve er ve gema ishima ve undu gbenda ve u bo la, nahan Aôndo de kwagh u bo u A wa ishima u eren ve la; A kera er un ga.

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Mateu 24:13

Kpa or u nana taver ishima zan zan mkur yô, ka nan á yima nan ye.

Mateu 5:44

Kpa Mo yô, M kaan ne Mer: Doo nen a mbaihomov enev, man shi eren nen msen sha ci u mba ve tev ne a ican yô;

Luka 6:12

Tsô sha ayange la, A due A yem sha uwo sha u za eren msen; A tsa sônon Aôndo kaka.

Mbaheberu 10:38

Kpa or u perapera Wam nana lu uma sha jighjigh u nan, man aluer nana hide ijime yô, á kera saan uma Wam iyol a nan ga.

Yosua 22:16

Mkohol u ior i TER cii ngu kaan nahan er: Ka nyi kwaghbo ne, ne er Aôndo u Iserael ne gem nyian ne de u dondon TER, ne ta atse a en kposo hendan a TER nyiana?

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.

1 Samuel 13:13

Samuel kaa a Saulu er: U er ibumekwagh; u wa kwagh u TER, Aôndo wou, A kaa u la iko ga; gadia TER ma A ver tartor wou sha Iserael ma u taver gbem.

1 Samuel 15:10

Tsô kwaghôron u TER va hen Samuel, A kaa er:

1 Samuel 15:3

Hegen yô, za, za ta num sha Amaleki, tim akaa a ve lu a mi cii, mhôônom ma de ker u a ve ga. Wua nomsoor kua kwase, wanye kua wanikundan u man atumba, bua kua iyôngo, man rakumi kua jaki kpaa.

1 Samuel 15:35

Samuel kera va sôr Saulu ga, zan zan a kar kpen; gadia Samuel lu zungwen Saulu. TER kpaa vihi Un, er A ver Saulu tor sha Iserael yô.

1 Samuel 15:9

Kpa Saulu kua ior, ve de Agagu uma man iyôngo i hemban doon man ibua man ilev mbi kehen man aniyôngov kua akaa a doon cii, ve tim a ga; kpaa akaa a lu a injaa ga man a dang cii yô, ve tim a purututu.

1 Samuel 16:1

Tsô TER kaa a Samuel er: Ka hanma shighe je ú de u zungwen Saulu er M vende un u teman tor sha Iseraele? Haa mkurem ken korough ough poo; yô, za, Me tindi u hen Yese or u Betelehem, gadia ka ken ônov nav M tsough tor Wam ye.

1 Samuel 8:6

Kwaghôron la vihi Samuel ishima u ve kaa er: Na se tor u nana ôron se ijir la. Tsô Samuel sôn TER.