1 Samuel 14:6 - ICIGHAN BIBILO

⁶ Yonatan kaa a wanye u tilin un ikav mbi tswamev la er: Va, sé za ken afo a mbaipusuv mban; alaghga TER Una nôngo ityav sha ci wase, gadia ma kwagh u yangen TER u nan mhembe shin a lu sha ikev i ior kpishi shin sha ikev i ior kpeghee kpaa ngu ga.

1 Samuel 14:6 Iomraidhean Croise

2 Samuel 1:20

De kera ôron kwagh la ken Gati ga, de kera yôôn un sha igbenda i Ashekelon kpaa ga, sha er ônkasev mba Mbafiliti ve̱ de ember ga, Sha er ônkasev mba mbaipusuv ve̱ de kera geren ga yô.

2 Samuel 16:12

Alaghga Aôndo Una nenge ican yam, man TER Una gema á er a mo dedoo sha ci u ityuhwanev mbi a tohom nyian ne.

2 Utor 19:4

Alaghga TER, Aôndo wou, Una ungwa akaaôron a Rabeshake cii, u ter na, tor u Ashiria tindi un er a̱ va tuhwa Aôndo u uma yô, man Una tsaha un sha akaaôron a TER, Aôndo wou, A ongo la; nahan yô, ma u shi kende imo, man u er msen sha ci u asande a a shi ker yô.

2 Kroniku 14:10

Nahan Asa due u za zuan ityav a na, maa ve samber ityav shin pev u Sefata hen Maresha.

2 Kroniku 14:11

Tsô Asa genger imo yila TER, Aôndo na, a kaa er: TERE, ma orwasen u nana nyôr hen atô u or u ageegh vea isheeror nan ngu ga, saa We; wase se TERE, Aôndo wase, gadia se mba suur sha a We, man ka ken iti You kpaa se ve ityav hen ikpelaior ne ye. TERE, ka We U lu Aôndo wase ye; or a̱ de hembe ga, saa We tseegh.

Upasalmi 135:6

TER eren hanma kwagh u a doo Un ishima yô, sha aôndo, man shin tar, man shin uzegembamngerev kua shin aiv kpaa.

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Yeremia 9:25

Nenge, ayange nga van, kape TER A kaa ne, a Me tsaha mbala mba i tsenge ve, kpa ve tsenge ishima ga la;

Yeremia 9:26

ka Igipiti man Yuda man Edom man Mbaamon man Moabi, kua mba ve hondon a-ase cii, mba ve tem ken desereti la; gadia akuraior ne cii tsôngo ga, man ya u Iserael cii kpaa ve tsôngo asema ga.

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

Sefania 2:3

Ker nen TER, ne mbaasemaleghlegh mba sha tar cii, ne mba ne we atindi a Na iko; ker nen perapera, ker nen ishima i legh legh, tsô alaghga á yer ne sha iyange i iyugh i TER la.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Numeri 10:32

Nahan aluer ú za a vese imôngo yô, mimi je, kwagh u dedoo u TER Una er se la, se kpaa sé er a we nahan.

Numeri 31:4

Hanma kwe u ken ikwe i Iserael cii, tsuwa nen ior ker dubu, tindi nen ve ken utya.

Mateu 19:26

Kpa Yesu gem kenger ve yô, kaa a ve er: Or yô, fe kwagh ne ityô ga, kpa Aôndo yô, fe akaa cii ityô.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Duteronomi 32:30

Á er nan man or môm nana zenda ior dubu, ior ihiar kpaa vea er ior dubu pue ve a yevese, saa Vande ve ua tee ve, TER kpaa A na ve sha ikev i ior, gaa?

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Yosua 14:12

Hegen yô, nan uwo ne, u TER ôr kwagh u u sha iyange la, gadia sha iyange la je u ungwa er Mbaanaki lu ker yô, man agar a vesen a lun a ugir je; alaghga TER Una lu a mo, me zenda ve kera er TER A kaa yô.

Mbaajiriv 15:18

Tsô imura kôr un tsung, nahan a sôn TER, a kaa er: Ka We U ne myom u vesen ne sha ikev i wanakiriki Wou ne ye; nahan yô, m̱ gema m̱ kpe imura, m̱ hingir sha ikev i mbaipusuv mbana?

1 Samuel 14:5

Iwen i môm tile sha jighilii ken vegher u imbusutarimese sha ishigh ki Mikemashi, igen la lu di ken vegher u imbusutariyan sha ishigh ki Geba.

1 Samuel 14:7

Or u tilin un ikav mbi tswamev la kaa a na er: Kwagh u a lu u ken ishima cii gba eren tsô; nenge m ngu a we, er ishima you i lu nahan, kape i yam kpaa i lu di je la.

1 Samuel 17:26

Tsô Davidi ôr kwagh a ior mba ve tile a na la, a kaa er: Á er a or u nana wua Orfiliti ne, man nana tôô iheen i Iserael kera la nana? Orfiliti oripusu ne ngu nyi je, man a bamen akumautya a Aôndo u uma?

1 Samuel 17:36

Wanye wou hemba begha kua dwem kpaa; nahan oripusu Orfiliti ne una hingir er mô ve nahan, sha ci u a bamen akumautya a Aôndo u uma yô.

1 Samuel 17:46

TER Una na u sha ikev yam nyian; me hemba u, me gber u ityough; shi me gema akom a ikumior i Mbafiliti me na inyon i i purugh sha kua inyamtoho nyian, sha er tar cii u̱ fa er Aôndo A lu ken Iserael yô;

1 Samuel 17:47

ikpelaior ne cii ia fa er TER A yem sha sanker kua iwange ga yô; gadia ityav ka mbi TER, nahan Una na ne sha ikev yase.

1 Samuel 31:4

Tsô Saulu kaa a or u tilin un ikav mbi tswamev la er: Tsuwa sanker wou kuman i̱ due keela, sha er mbaipusuv mban ve̱ de va komom ve̱ heen mo ga. Kpa or u tilin un ikav mbi tswamev la venda, gadia cier un iyol yum. Nahan Saulu ngohol sanker na, ta sha mi pov.