1 Samuel 13:7 - ICIGHAN BIBILO

⁷ Mbaheberu mbagenev vande peren Yordan nyôr ken tar u Gadi kua Gileadi; kpa Saulu yô, hila lu hen Gilgal, ior cii lu a na ityô a akarkase iyol.

1 Samuel 13:7 Iomraidhean Croise

Levitiku 26:17

Me kera saan ishigh a ven ga, mbaihomov enev vea hemba ne; mbakôron ne ihom vea tema tor sha a ven; né gbaa yevese tsô, or kpaa nana zendan ne ga.

Duteronomi 20:8

Mbavesen mbala kpaa shi ve̱ seer ôron kwagh a ior, ve̱ kaa er: Shin ma or ngu u nan lu a mciem, nan lu a ishima i yinan ase? Yô, nana̱ hide hen ya u nan, sha er ishima i anngôôv mba nan i̱ de yen er i nan nahan ga.

Duteronomi 28:25

TER Una er kwagh á hemba u sha ishigh ki mbaihomov ou, ú za sha gbenda môm sha u za nôngon ityav a ve man ú gema ú yevese sha ishigh vegh kera sha igbenda itiankarihiar je; ú hingir ityartor i sha won cii ikav i cier iyol.

Duteronomi 3:12

Tar ne ka ken shighe la se ngohol u ye; hii hen Aroer u a lu hen pev u Arnon la man vegher u tar u iwoogh u Gileadi a agar a ken u, m na Mbaruben man Mbagadi;

Yosua 13:11

man Gileadi man ikighirtar i Mbageshur man Mbamaakati kua uwo u Hermon cii man Bashan cii zan zan za ar hen Saleka;

Yosua 13:8

Mbaruben kua Mbagadi ngohol dyako ve a vegherkwe u Manase ugen la imôngo, u Mose na ve yande Yordan vegher u sha ityoughkitaregh la, er Mose wanakiriki u TER na ve la;

Mbaajiriv 7:3

Yô, za, za yôô, ior cii ve̱ ungwa, kaa wer: Hanma or u nan cie nan gbidi ikarikase iyol yô, nana̱ hide tsô, nana̱ mough hen uwo u Gileadi kera. Nahan ior dubu ikundu kar uhar hide, mase shin dubu pue.

1 Samuel 13:8

A tsa her ayange ataankarahar, lu keghen shighen u Samuel ver la; kpa Samuel va hen Gilgal ga; tsô ior gba sarem her a na kera.

1 Samuel 17:11

Zum u Saulu kua Mbaiserael cii ve ungwa kwaghôron u Orfiliti la yô, cier ve iyol, ve cia kpishi.

1 Samuel 31:7

Zum u ior mba Iserael mba ve lu pev vegher u keela kua mba ve lu Yordan yande la, ve nenge er ior mba Iserael yevese man Saulu a ônov nav ve kpe yô, ve undu agar ve yevese; nahan Mbafiliti kar va tema ker.