1 Samuel 13:6 - ICIGHAN BIBILO

⁶ Zum u ior mba Iserael nenge er kwagh tser ve nahan (gadia kwagh imbishi ior), nahan ve gba yeren ken ubar man ken ikô man ken ikweavande man ken ijô kua shin ahungwa.

1 Samuel 13:6 Iomraidhean Croise

2 Samuel 24:14

Davidi kaa a Gadi er: Kondom iyol kpishi je; yô, sé gba sha ikev i TER tsô; gadia mhôônom Nam ma zungwen ma vese, de rumun wer m̱ gba sha ikev i or ga.

Yesaia 42:22

Kpa ior mban ka mba i num ve gbenda, i sar ve; ve cii i mande ve agbe, i wuhe ve ken ugaadi; ve hingir ishar, ma or u yiman lu ga; i kura ve er ishar i yan nahan, ma or u kaan er: Hide a mi kpaa, lu ga.

Yeremia 41:9

Ijôr i Ishemael gbihi akom a ior mba a wua la cii shimi, a ikom i Gedalia imôngo, lu ijôr i vesen i tor Asa dugh sha ci u cian Baasha tor u Iserael la yô. Ishemael wan u Netania gema iv i sha mba a wua la.

Esekiel 33:27

Kaa a ve nahan wer: Ter AÔNDO ngu kaan nahan er: Er M lu u uma ne, ve mba ve lu ken uya mba i yôhôl ve kera la, á wua ve sha sanker kpee, man u nan lu ken toho yô, Me na inyamtoho ia ya nan, man mba ve lu ken ayouautya a taver man ken ubarmbaiwoov, bouange una wua ve.

Mbafilipi 1:23

Asema hingir mo ahar. Sarem ka yemen za lun vea Kristu, gadia nahan hemba doon yum.

Mbaheberu 11:38

Ve yô, tar kuma sha ve kpaa ga—ve zenden ken taaikôngo man sha iwo man ken ubar kua ken avur.

Yosua 8:20

Ior mba Ai mba gem ashe yô, ve nenge, mnyim ma gar kôndo Sha je, ve kera fatyô u yevese hiden keen shin keela ga; ior mba ve yevese ve yem vegher u desereti la kpaa, ve gema ve ta num sha mba ve lu zendan ve ijime la.

Mbaajiriv 10:9

Mbaamon per Yordan sha u va nôngon ityav a Yuda man Benyamin kua ya u Eferaim kpaa, nahan Iserael cia tsung.

Mbaajiriv 20:41

Tsô ior mba Iserael gema ishigh, nahan mciem gba ior mba Benyamin iyol; gadia ve kav er kwagh u bo a tser ve yô.

Mbaajiriv 6:2

Midian hemba Iserael agee; ka sha ci u Midian Mbaiserael er ajiir a yeren, a a lu sha iwo la ye, kua ubar man agar a sha iwo la kpaa.

1 Samuel 13:15

Tsô Samuel mough hen Gilgal kar yem sha Gibea u Benyamin; Saulu ôr iyenge i ior mba ve lu a na, kuma er deri ataratar nahan.

1 Samuel 14:11

Tsô ve uhar ve va ande hen afo a Mbafiliti; nahan Mbafiliti kaa er: Nenge, Mbaheberu mban gba duen shin ahungwa a ve yer la ve.

1 Samuel 14:22

Nahan zum u Mbaiserael, mba ve yer ken tar u iwoogh u Eferaim la cii kpaa, ungwa er Mbafiliti mba yevese yô, ve kpaa, ve cir ve ijime a ityav.

1 Samuel 23:19

Tsô Mbashiv va hen Saulu hen Gibea, ve va kaa er: Kera ka her a vese, Davidi a yer ken ajiir a yeren a ken Horeshi, sha igungu u Hakila, u a lu ikôngough vegher u ken imbusutariyan la gaa?

1 Samuel 24:3

Nahan a va ar hen atôraiyôngo sha gbenda henpe bar lu yô; tsô Saulu nyôr kimi sha u una za wanger iyol. Yô, Davidi a ior gema lu ken ape bar kure la.

1 Samuel 31:7

Zum u ior mba Iserael mba ve lu pev vegher u keela kua mba ve lu Yordan yande la, ve nenge er ior mba Iserael yevese man Saulu a ônov nav ve kpe yô, ve undu agar ve yevese; nahan Mbafiliti kar va tema ker.

1 Samuel 7:7

Mbafiliti mba ongo er Mbaiserael kohol hen Misepa yô, utor mba Mbafiliti va num sha Iserael. Er Mbaiserael ungwa nahan yô, ve gba cian Mbafiliti.