1 Samuel 12:5 - ICIGHAN BIBILO

⁵ Nahan a kaa a ve er: Ka TER je, A lu shiada sha a ven ye, man or Na u i shigh un mkurem la kpaa ka shiada nyian, ne zua a ma kwagh sha ikev yam ga. Tsô ve kaa er: Un ka shiada.

1 Samuel 12:5 Iomraidhean Croise

Genese 31:50

Aluer ú er ônov av mba kasev ican, shi aluer ú er kasev mbagenev ú seer sha ônov av mban yô, shin or á kera lu a vese ga kpa, nenge, Aôndo ngu orshiada hen atô wam a we.

Yobu 16:19

Hegen je kpaa, nenge, shiada wam ngu Sha, Un u wasen mo la ngu Sha.

Yobu 42:7

Tsô ken masejime u TER ôr Yobu akaa ne kera yô, TER kaa a Elifasa Orteman, er: Iyugh kendem ken ishima sha a we kua akar a ou ahar la; gadia ne terem sha kwagh u mimi er wanakiriki Wam Yobu a er nahan ga.

Upasalmi 17:3

U kar ishima yam, U va sôrom tugh; U karem, kpa U zua a ma kwagh ga; m wa ishima mer, zwa wam ua kar kpe ga.

Ekesodu 22:4

Man aluer á kohol nan a kwagh u nan ii la ave, uma yô, á lu bua, shin jaki, shin iyôngo yô, nana̱ kimbi kwa har.

YOHANE 18:38

Pilatu kaa a Na er: Ka nyi i lu mimi? Kaan nahan yô, a shi a due, a za hen Mbayuda, a za kaa a ve er: M zua Un a ma kwaghbo ga.

Aerenakaa A Mbaapostoli 23:9

Nahan ayôôso mough kpishi. Mbangeren mbagenev mba ken nongo u Mbafarishi kpaa mough, tile sha gba nyiman, kaan er: Se zua a kwaghbo hen or ne ga. A lu jijingi shin ortyom u Sha man a er kwagh a na yô, ka nyi i ere?

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

Aerenakaa A Mbaapostoli 24:20

A lu nahan ga yô, mban ayol a ve, ve̱ ter ase ma kwaghbo u ve zough a mi her a mo zum u m tile sha ishigh ki mkohol la,

1 Mbakorinte 4:4

M fa ma ityôikaa sha iyol yam ga, kpa heera tseegh yô, nam u me lu a ishô ga. Ka Ter A lu timen kwagh wam, kuren un ye.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

1 Samuel 12:4

Tsô ve kaa er: U kighir se a ican ga, u ngohol se kwagh sha icugh ga, u ngohol kwagh sha ikev i ma or kpaa ga.

1 Samuel 26:9

Kpa Davidi kaa a Abishai er: De woo un ga; gadia ka an nana cihi nana za uwegh ku nan sha or u TER, u i shigh un mkurem, man nana lu a ishô?