1 Samuel 12:23 - ICIGHAN BIBILO

²³ Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.

1 Samuel 12:23 Iomraidhean Croise

1 Utor 8:36

ungwa Sha, de isholibo i mbayev Ou kua i ior Ou Iserael kpaa, gadia U tese ve gbenda u doon u vea zenden sha mi yô; yô, nôô ura sha tar Wou, u U ne ior Ou dyako la.

2 Kroniku 6:27

ungwa Sha, de isholibo i mbayev Ou kua i ior Ou Iserael kpaa, gadia U tese ve gbenda u doon u vea zenden sha mi yô; yô, nôô ura sha tar Wou, u U ne ior Ou dyako la.

Upasalmi 122:6

Sôn nen ner: Bem a̱ lu ken Yerusalem; mba u doo ve ishima yô, ka ve, tar ua lagh ve ye.

Upasalmi 34:11

Va nen, ne mbayev, va ver nen ato her a mo; me tese ne u cian TER.

Upasalmi 34:12

Ka anti je uma a sar nan, man nan soo u tsan sha won, sha er nana nenge a akaa a dedoo?

Ekesodu 32:30

Tsô kper nan sev mbu aven yô, Mose kaa a ior er: Ne er isholibo je; yô, ahegen me kôndo sha TER, alaghga me za na iwom sha ci u isholibo yen.

Anzaakaa 4:11

Ka gbenda u kwaghfan, m tese u ye, m hemen we sha igbenda i perapera.

Orpasenkwagh 12:10

Orpasenkwagh ker er una zua a akaaôron a dedoo, man kwagh u i nger jighilii yô, ka akaaôron a mimi je la.

Yesaia 30:21

ato ou kpaa aa ungwa kwaghôron ken ijime you u kaan er: Ka gbenda je ne, za nen sha u, zum u á sar ne u geman ken iyan shin ken imese la yô.

Yeremia 15:1

Nahan TER kaa a mo er: Shin Mose kua Samuel vea tile sha ishigh Yagh je kpaa, mayange Me kera ver ishima sha ior mban ga; zenda ve sha ishigh Yagh kera, ve̱ yem kera.

Yeremia 27:18

Kpa aluer vea lu uprofeti je, man kwaghôron u TER una lu a ve yô, nahan yô, ve̱ zamber ase a TER u akum a Sha, er ikav mbi mbi shi ken iyou i TER man ken iyou i tor u Yuda man ken Yerusalem mbia za sha Babilon ga yô.

Yeremia 42:4

Tsô profeti Yeremia kaa a ve er: M ungwa ve; nenge, me sôn TER, Aôndo wen, er ne kaa nahan; man hanma kwagh u TER Una kaa ne cii, me pase ne, me yer ne ma kwagh ga.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Aerenakaa A Mbaapostoli 12:5

Tsô i gba kuran Peteru ken gaadi; kpa nongo u Kristu lu sônon Aôndo tsung sha ci na.

Aerenakaa A Mbaapostoli 20:20

man shi ityough yuhwam sha u pasen ne hanma kwagh u lun a inja ga, man u tesen ne akaa ken igbar man ken uya enev kpaa ga,

Mbaromanu 1:9

Aôndo u m civir Un ken jijingi wam sha Loho u Dedoo u Wan Na la, ka shiada wam er m ngu umbur ne gbem je ken mbamsen av hanma shighe,

1 Mbakorinte 9:16

Gadia aluer m ngu ôron Loho u Dedoo yô, kam kwagh u tan ihagh a mi ga, gadia i kighir mo a kighir je. Aluer me ôr Loho u Dedoo ga yô, kwagh á tserem.

Mbakolose 1:28

Ka Un se lu yôôn kwagh Na, se lu wan ior cii kwagh, se lu tesen ior cii sha hanma kwaghfan ye, sha u veren hanma or nana̱ lu vough ken Kristu yô.

Mbakolose 1:9

Sha ci u nahan yô, hii sha iyange i se ungwa kwagh la je se kera mem u eren msen man shi u zamber sha ci wen ga, ser ma i iv ne a mfe u fan ishima Na sha kwaghfan cii man mkav u ken jijingi kpaa,

1 Mbatesalonika 3:10

Se mba eren msen ngegh tugh man tetan kpaa sha u ma se zough ishigh a ven shi ma se iv kwagh u a yen sha jighjigh wen u nan la.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:3

Ka mea umbur we ken mbamsen av gbem tugh man atetan yô, m wuese Aôndo u m lu civir Un sha imo i ken ishima i nan mo ibo ga la er uter av kpaa lu eren nahan.

1 Samuel 12:19

Tsô ior cii kaa a Samuel er: Sôn TER, Aôndo wou, sha ci u mbayev ou sha er se̱ de kpen ga yô; gadia se seer kwaghbo ne sha asorabo a ase cii, er se ker tor yô.

1 Samuel 8:6

Kwaghôron la vihi Samuel ishima u ve kaa er: Na se tor u nana ôron se ijir la. Tsô Samuel sôn TER.