1 Samuel 12:21 - ICIGHAN BIBILO

²¹ de kera kahan nen sha u dondon sha ugbilinmbaakaav mba vea fatyô u wasen shin yiman ne ga la ze, gadia ka akaagbilinigh tsô.

1 Samuel 12:21 Iomraidhean Croise

2 Utor 17:15

Ve venda akaawan a Na man ikuryan Na i A ya a uter vev kua mbampase Nav mba A pase ve kpaa; ve gema, ve dondo akaagbilinigh zan zan ve hingir dang, ve dondo akuraior a a kase ve la, a TER wa ve tindi sha kwagh ve er, ve̱ de eren er ve nahan ga la.

Yesaia 41:29

Nenge, ve cii, mba ma kwagh je ga, ityom ve kpaa ka gbilinkwagh tsô, ieev mbi keren a ker kpaa ka ahumbe man gbilinkwagh dang tsô.

Yesaia 45:20

Kohol nen ayol a en va nen; kporom nen imôngo, ne mba ne wer ken akuraior. Ve mba a mfe ga, ve mba ve tee ieev vev mbi i gbe mbi sha kon la, man mba ve eren msen, ve sen aôndo u a fetyô u yiman ga la.

Yesaia 46:7

Ka ve tôô un sha avande, ve za a na, ve za ver hen ijiir na; a tile sha, moughon hen ijiir na kera mayange ga. Or á yila un kpaa, una rumun ga, una yima nan ken ican i nan kpaa ga.

Yeremia 10:15

Mbi gbilin tsô, ka tom u icughugh; sha shighe u mtsaha u mbi yô, mbia saa ishe.

Yeremia 10:8

Kpa ve imôngo cii, ve lan kwagh ve bume; ityesen i ieev ka kon tsô.

Yeremia 14:22

Agbilinakaa a atôatyev la, ma kwagh ngu ker, u una fatyô u nôôn ura kpa? Shin Usha fatyô u nôôn ura u ioo kpa? Kera ka We gaa, TER, Aôndo wase? Nahan yô, sé kegh U; gadia ka We je U er akaa ne cii ye.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Yeremia 2:13

Gadia ior Av ve er aferakaa ahar: ve tam kera, Mo u M lu imbor i mngerem ma umam ne, ve gema ve time ahungwa a ombon mngerem shimi shin avande, ahungwa a ombon mngerem shimi a paven ikwe, a a fetyô u lun a mngerem shin mi ga yô.

Yeremia 2:5

TER ngu kaan nahan er: Ka nyi mban u mimi uter enev ve zough a mi ken a Mo, je u ve gba ca a Mo, ve dondo kwagh u gbilinigh ityô, man ve hingir gbilin nahana?

Yona 2:8

Mba ve civir akombo a gbilinigh yô, ve undu Un u A zungu ve mhôônom la.

Yona 2:9

Kpa mo yô, me na U nagh sha imo i ishughun; kwagh u m tsegh zwa sha mi la yô, me er. Myom ka u TER je.

Habaku 2:18

Eev mbu gban a gba, mbu or nan gbe mbu la, mbu a inja sha nyi? man shi eev mbu haan, mbu mbu lu ortesen u aiegh la, or u nan gbe mbu la nan gem nan suur sha kwagh u nan gbe la, or ka nan gba ieev mbi gbiliniv mbi fan ityô u lamen ga!

Aerenakaa A Mbaapostoli 14:15

kaan er: Ne ior mban, ka nyi ne eren nahana? Se kpaa se mba di ior tsô, inja i iyolough er ne nahan man se va ôr ne Loho u Dedoo sha u undu nen akaa a gbilinigh ne, gema nen ishima hen Aôndo u uma, Un u A er Sha man tar man zegemnger kua akaa a a lu ken ve cii;

1 Mbakorinte 8:4

Nahan sha kwagh u inyamakombo i yan yô, se fa, ma akombo nga a inja sha won ga, man shi ma Aôndo ugen ngu ga, saa môm tseegh.

Duteronomi 11:16

Ver nen ishima sha ayol a en sha er i̱ de bum ne er né kaha né hingir u eren mbaaôndo mbagenev tom, guren civir ve, ga;

Duteronomi 30:17

Kpa aluer ishima you ia gema, ú kera ver ato ga, i urugh we, ú za civir mbaaôndo mbagenev, ú er ve tom yô,

Duteronomi 32:21

Ve kpoghol iwuhe Yam sha kwagh u a lu Aôndo ga je, ve bamem sha akaa a ve a gbilinigh. Mo kpaa Me kpoghol iwuhe ve sha mba ve lu ikurior ga je, me bam ve sha ikurior i lanen kwagh.