1 Samuel 11:11 - ICIGHAN BIBILO

¹¹ Kper nan yô, Saulu pav ior akum atar, ve va nyôr hen atô u afoogh sha mkor u sha use la, ve hemba Mbaamon zan zan oo ta; mba ve shi yô, ve sambe, i kera nenge a ior ihiar ijiir i môm je ga.

1 Samuel 11:11 Iomraidhean Croise

Genese 22:14

Aberaham maa ii ijiir la iti er Yehova-yire (TER Una na kwagh u a gbe yô); ka nahan man zan zan nyian i kaan er: Sha uwo u TER yô, á na kwagh u a gbe yô.

2 Samuel 18:2

Nahan Davidi pav ior mbala akum atar, a tindi ikum i môm sha ikev i Yoabi, i môm sha ikev i Abishai wan u Seruya, anngô u Yoabi, shi u môm la sha ikev i Itai, Orgati. Man shi tor kaa a ior er: Mo iyol yam kpaa me za a ven imôngo kpee.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Ekesodu 14:24

Tsô ka kom sha mkorutu u sha use la yô, TER lu ken usu u lun er ityôgh la, kua ken ibeenegh kila, lu kenger ikumutya i Mbaigipiti; tsô A haa ikumutya i Mbaigipiti anzughul.

Mateu 7:2

Gadia imbajir i ne er ne, ka i á ôr ne ye; man ikaren i ne karen a mi ne kpaa, shi ka sha i je á kar ne mi ye.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.

Mbaajiriv 1:7

Tsô Adoni-beseki kaa er: Utor mba akunduatargber, mba i tôndo ve ahôaveegh a tamen man ahôangahar a tamen la, lu sangen kwaghyan ve shin atô a tebul wam je; er mo iyange m er nahan, kape Aôndo kpaa A orom iyev ne. Tsô ve va a na hen Yerusalem, a va kpe her.

Mbaajiriv 4:16

Kpa Baraki zenda akeke kua akumautya la ijime zan zan ar hen Harosheti u atôatyev; akumautya a Shisera cii kpe ku u sha sanker, or môm war ga.

Mbaajiriv 7:16

Ior mba deri utar mbala, a pav ve akum atar, a na ve ikor i tôngon sha ave ve cii, man ityev mbi gbiliniv a akaghausu a yeghen ken ityev mbila.

Mbaajiriv 7:20

Akumaior atar la tôngo ikor, ve hembe ityev, ve kôr akaghausu a yeghen la, sha ave a imese, ikor yô, ve kôr sha ave a iyan sha u tôngon; ve ger imo er: Sanker u TER man u Gidion.

Mbaajiriv 9:43

Tsô a kua a ior a pav ve akum atar, a za yer ken toho; nengen er ior lu duen ken gar yô, a mough a ta num sha a ve, a hemba ve je.

1 Samuel 11:2

Kpa Nahashi Oramon kaa a ve er: Me ya ikur a ven aluer nea rumun ner, m̱ ongor ne ashe a ken iyan cii yô; me er kwagh ne Mbaiserael cii ve̱ hee.

1 Samuel 14:47

Saulu yô, er a ya tor sha Iserael la, a nôngo ityav a mbaihomov nav cii sha hanma vegher, a Moabi man a Mbaamon man Edom kua utor mba Soba man a Mbafiliti kpaa; henpe una gema cii, a hemba.