1 Samuel 10:7 - ICIGHAN BIBILO

⁷ Tsô, shighen u akav ne cii aa er u yô, hanma kwagh u uwegh ough ku zough a mi u eren yô, er un je, gadia TER ngu a we.

1 Samuel 10:7 Iomraidhean Croise

Genese 21:20

Aôndo lu a wan la, lu vesen; a maa a tema ken desereti, a hingir or u keren avaan.

2 Samuel 7:3

Tsô Natan gema kaa a tor er: Yô, gba eren akaa a a lu u ken ishima cii, gadia TER ngu a we.

Yobu 31:25

aluer mea ember sha er m ngee a inyaregh, man sha ci u uwegh agh ku zough a kwagh kpishi kpaa yô;

Ekesodu 4:8

Man aluer vea na u jighjigh ga yô, man shi vea wa ivande i hiihii la iko ga yô, vea na ivande igen la jighjigh.

Orpasenkwagh 9:10

Hanma kwagh u uwegh ough ku zough a mi u eren yô, er un sha agee ou je, gadia ma tom shin mhen shin mfe shin kwaghfan mba shin Sheol henpe u ze la ga.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Luka 2:12

Man kwagh u una lu ne ikav yô, né za zua a Wanikundan u i we Un ken akondo i gbir Un shin anar u haan ilev kwaghyan.

YOHANE 6:14

Tsô ior mba nengen ivande i A er nahan la yô, ve kaa er: Mimi je, ngun ka profeti u i ongo er ngu van shin tar je ne.

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Mbaajiriv 6:12

Tsô Ortyom u TER va ande her a na, kaa a na er: TER ngu a we, we orageegh u tseen ishima sha kwagh.

Mbaajiriv 9:33

nahan pepe er iyange ka i due nahan la mough ta num sha gar; tsô zum u un a ior mba ve lu a na vea duen u nôngon ityav a we yô, ú er a ve er u nenge i doo u u eren la.

1 Samuel 2:34

Kwagh u una hingir we ikav yô, ka kwagh u una er Hofeni man Pinehashi, ônov ou mba uhar mbala: ve uhar cii vea kpe iyange i môm.

1 Samuel 20:13

TER A̱ er a Yonatan nahan, shi i̱ hemba nahan kpaa, aluer terem una wa ishima u eren we kwaghbo man mo kpaa m pase u ga, man m na u gbenda kpaa sha er ú za doo doo ga yô; TER A̱ lu a we er A vande lun a terem nahan.

1 Samuel 3:19

Tsô Samuel vese, TER lu a na, A rumun er ma kwaghôron Na môm a̱ gba inya mayange ga.