1 Samuel 10:6 - ICIGHAN BIBILO

⁶ Jijingi u TER Una gba sha a we sha agee, ú gba ôron kwaghôron u profeti a ve imôngo, ú gema ú hingir kposo.

1 Samuel 10:6 Iomraidhean Croise

Numeri 11:17

Me sen, Me va ôr kwagh a we her; Me pande jijingi u a lu ken a we, Me ver sha a ve, ve̱ tôô ior mba ve lu zegeuikya ne, a we imôngo, sha er ú kera tôô, we tswen ga yô.

Numeri 11:25

Tsô TER sen ken ibeenegh ôr kwagh a na; A pande Jijingi u a lu sha a na la, A ver sha mbatamen mba akunduatargber mbala, tsô zum u Jijingi va tema sha a ve la, ve ôr kwagh er uprofeti nahan, tsô ve de, ve kera shi kimbir ga.

Numeri 11:26

Kpa ior uhar shi ken afo, u môm iti na er Eldadi, ugen iti na er Medadi, Jijingi sen tema sha a ve; ve kpaa i nger ve ati a mbala imôngo, kpa ve za hen tenti ga; nahan ve gba ôron kwagh hen afo er uprofeti nahan.

Numeri 11:29

Mose kaa a na er: U wa iyol sha mo tsôô! Ior mba TER ci ca cii ma ve lu uprofeti, TER ma A ver Jijingi Na sha a ve.

Mateu 7:22

Sha iyange la ior kpishi vea kaa a Mo er: Tere! Tere! Ka ken iti You man se lu ôron kwaghôron u profeti gaa? Man ka ken iti You se lu dughun ujijingi mba bov gaa? Man shi ka ken iti You se lu eren akaa a ageegh kpishi kpaa gaa?

Mbaajiriv 14:6

Tsô Jijingi u TER kende un sha agee, nahan a ande un er ka wanivo nahan, a lu a ma kwagh sha uwegh nagh ga; kpa a ôr ter na shin ngô na kwagh u un er la ga.

Mbaajiriv 15:14

Zum u a va hen Lehi yô, Mbafiliti va kohol un, ve gba geren; tsô Jijingi u TER kende un sha agee, ikor i sha ave na la hingir er ikar i adaagh i i ker usu yô, ikangenev nav sough sha ave na kera.

Mbaajiriv 3:10

Jijingi u TER sen sha a na, a tema orjir sha Iserael; a za ityav, TER na Kushan-rishataim, tor u Mesopotamia, sha ikev na; nahan a hemba Kushan-rishataim agee.

1 Samuel 10:10

Mba za ar hen igungu la yô, ikum i mbaprofeti va zua a na her; Jijingi u Aôndo kpaa kende un sha agee, a gba ôron kwaghôron u profeti a ve imôngo.

1 Samuel 10:9

Tsô zum u a na ijime ken Samuel ngur yemen yô, Aôndo gema un ishima; akav la cii kpaa er sha iyange la.

1 Samuel 11:6

Saulu ongo akaaôron la nahan yô, Jijingi u Aôndo kende un sha agee, ishima vihi un tsung.

1 Samuel 16:13

Tsô Samuel tôô korough ku mkure, a shighe un mkurem hen atô u anmgbianev nav; Jijingi u TER kpaa kende Davidi sha agee, hii sha iyange la je man ken hemen kpaa. Tsô Samuel mough, yem hen Rama.

1 Samuel 19:20

Nahan Saulu tindi mbatyomov er ve̱ za kôr Davidi, kpa zum u ve nenge ikpila i uprofeti lu ôron kwaghôron u profeti man Samuel lu hemen ve yô, Jijingi u Aôndo gba sha mbatyomov mba Saulu mbala, ve kpaa ve gba ôron kwaghôron u profeti.