1 Samuel 10:2 - ICIGHAN BIBILO

² Er u mough hen a mo nyian yô, ú za kohol ior ihiar hen uwar u Rahel, hen ikighirtar i Benyamin vegher u ken Selsa; vea kaa a we er: Ujaki mba u ze u keren la, i zua a ve; nahan teru mem sha kwagh u ujaki la, ishima gema ngi nyian un a ven, ngu kaan er: Me er nan sha kwagh u wan wama?

1 Samuel 10:2 Iomraidhean Croise

Genese 35:16

Tsô ve mough hen Betel ve gba yemen; ka kera shi ca u nyôron ken Eferata ga yô, Rahel maa gba toghol mar, ican er un sha mar kpishi.

Genese 48:7

Kpa zum u m mough ken Padan la, Rahel va kpem ken tar u Kanaan sha gbenda, kera shi ca her, u nyôron ken Eferata ga; maa m ii un heregh, sha gbenda u zan Eferata, ka Betelehem je la.

Yeremia 31:15

TER ngu kaan nahan er: Ungwa! Imo ken Rama, kwelegh man mliam ma vaan tsung; Rahel ngu vaan ônov nav; a venda ishima i surun sha ci u ônov nav, gadia kera mba ga.

Yosua 18:28

man Sela man Ha-elev man Yebushi (ka Yerusalem je la), man Gibeati kua Kiriati; ka agar pue kar anyiin je la, kua agar a kiriki a a kase a la. Ngun ka dyako u ônov mba Benyamin sha icombor ve.

1 Samuel 10:16

Saulu kaa anngô u ter na la er: A kaa se jighilii er i zua a ujaki. Kpa kwagh u tor u Samuel kaa un la yô, a ôr un ga.