1 Samuel 10:16 - ICIGHAN BIBILO

¹⁶ Saulu kaa anngô u ter na la er: A kaa se jighilii er i zua a ujaki. Kpa kwagh u tor u Samuel kaa un la yô, a ôr un ga.

1 Samuel 10:16 Iomraidhean Croise

Ekesodu 4:18

Tsô Mose mough hide hen ter na kem, Yetero, va kaa a na er: Shi nam gbenda, m̱ za hen anngôôv av mba ve lu ken Igipiti, m̱ za nenge, shin mba uma her kpaou? Yetero kaa a Mose er: Za dedoo.

Anzaakaa 12:23

Orfankwagh ka nan yer mfe u nan, kpa ishima i abumeaior yô, ka i yôôn ibumegh.

Anzaakaa 29:11

Ibumeor ka nan pase ishimanyoon i nan cii, kpa orfankwagh yô, ka nan kighir i, i mem.

Orpasenkwagh 3:7

shighe u anden, man shighe u koron; shighe u huan ving, man shighe u lamen;

Mbaajiriv 14:6

Tsô Jijingi u TER kende un sha agee, nahan a ande un er ka wanivo nahan, a lu a ma kwagh sha uwegh nagh ga; kpa a ôr ter na shin ngô na kwagh u un er la ga.

Mbaajiriv 14:9

A dugh i, a kôr sha ave, a gba yan yemen; a za kohol ter na man ngô na, a na ve, ve ya; kpa a kaa ve er un dugh iyough la ken gundu u begha ga.

1 Samuel 10:15

Anngô u ter u Saulu la kaa a na er: Shi ôrom kwagh u Samuel a er a ven yôô.

1 Samuel 9:20

Sha kwagh u ujaki ou mba ve saa i kom ayange atar nyian ne yô, ishima i̱ de kera nyian we a ve ga, gadia i zua a mi. Akaadoon a ken Iserael cii yô, ka a ana? Kera ka a ou kua a ya u teru cii kpaa gaa?

1 Samuel 9:27

Mba ngur senen ken kpegar yô Samuel kaa a Saulu er: Kaa a wanakiriki wou a̱ kar sha hemen kpeghee (tsô a kar); kpa we yô, tile heen, m̱ ôr u mkaanem ma Aôndo.