1 Samuel 1:11 - ICIGHAN BIBILO

¹¹ Nahan a tsegha zwa a kaa er: TER u akum a Sha, aluer Wea rumun, Wea nenge ican i kpan Wou u kwase, Wea umbur mo, kpan Wou u kwase á hungul We ga, Wea na kpan Wou u kwase wan u nomso yô, mo kpaa me na TER un sha ayange a á lu uma cii, atsem kpaa á kar un sha ityou ga.

1 Samuel 1:11 Iomraidhean Croise

Genese 28:20

Man shi Yakob tsegha zwa, kaa er: Aluer Aôndo Una lu a mo, Una kuram sha gbenda u m ze ne, Una nam kwaghyan sha u m̱ ya, man akondo sha u m̱ zer.

Genese 29:32

Tsô Lea wa iyav, mar wannomso, a ii un iti er Ruben; gadia a kaa er: TER nenge ican yam; hegen yô, me doo nomom ishima.

Genese 30:22

Aôndo umbur Rahel, shi Aôndo wa un iko kpaa, nahan A bugh un sagh.

Genese 8:1

Tsô Aôndo umbur Noa man inyam cii kua uzendenya cii, mba ve lu a na imôngo ken tso yô. Aôndo er ahumbe va ta sha tar, mngerem maa goho.

2 Samuel 16:12

Alaghga Aôndo Una nenge ican yam, man TER Una gema á er a mo dedoo sha ci u ityuhwanev mbi a tohom nyian ne.

Upasalmi 25:18

Nenge ican yam man mtoghor wam, dem asorabo am cii.

Ekesodu 4:31

Ior na jighjigh; man zum u ve ungwa er TER A va ser Mbaiserael, A nenge ican ve kpaa yô, ve gema ve kuma ityouv inya, ve wuese.

Anzaakaa 31:2

Ka nyi, wan wama? Ka nyi, wan wam u iyav ava? Ka nyi, wan wam u uiceghzwa ava?

Orpasenkwagh 5:4

Zum u wea tsegha zwa sha ishigh ki Aôndo yô, de kera ngôôr u eren sha mi ga, gadia doo Un a abumeaior ga; yô, er kwagh u u tsegh zwa sha mi la.

Levitiku 27:2

Ôr kwagh a Mbaiserael, kaa a ve wer: Aluer or á tsegha zwa a TER sha or, nana̱ wa inyaregh ki paan yô,

Numeri 21:2

Nahan Iserael tsegha zwa a TER, kaa er: Aluer Ú na ikurior ne sha ikev yam mimi yô, me tim agar a ve purututu.

Numeri 6:11

pristi a̱ na nagh ku isholibo sha u môm, a̱ gema ugen la, a̱ na nagh ku nanden a mi, a̱ na iwom sha ci u nan, sha ci u nan er isholibo sha kwagh u kuugh la yô; a̱ tsegha ityough ki nan sha iyange la je.

Numeri 6:5

Ayange a iceghzwa, i nan tsegh iyol i nan la cii, nana̱ de ze atsem sha ityou ga zan zan ayange a nan tsegh iyol i nan sha ci u TER la a̱ bee; nana̱ lu icighanor, nana̱ de ice i nan i̱ ume.

Numeri 6:8

Ayange a mtsegh u nan la cii, nan ngu icighanor u TER je.

Mbaajiriv 11:30

Yefeta bum a TER, a kaa er: Aluer Wea na Mbaamon sha ikev yam mimi je yô,

Mbaajiriv 13:5

gadia nenge wan you iyav, ú mar wannomso; i̱ de ze un atsem sha ityou mayange ga; gadia wanakiriki la una lu Ornaseri u Aôndo er a lu ken uya je; ka un una hii u yiman Iserael sha ikev i Mbafiliti ye.

1 Samuel 1:10

Yô, ishima lu vihin Hana, a gba sônon TER, vaan tsung.

1 Samuel 1:12

Tsô, er a ngôôr, a lu eren msen sha ishigh ki TER nahan yô, Eli nenge un sha zwa.

1 Samuel 1:19

Ve mough pepe pepe, ve gure sha ishigh ki TER, ve civir Un, tsô ve hide hen ya ve hen Rama; Elkana yav a kwase na Hana; TER umbur un.

1 Samuel 1:22

Kpa Hana za ga; gadia a kaa a nom na er: Mo me za ga; saa wan á de atumba ve, man me za a na ye, sha u a̱ za tile sha ishigh ki TER, a̱ lu ker gbem.

1 Samuel 1:27

Ka sha ci u wan ne iyange m sônon ye; TER kpaa nam msen wam u m sen Un yô;

1 Samuel 1:28

nahan mo kpaa m gema un m na TER; a̱ lu u TER sha ayange a á lu uma cii, Tsô a gure a civir TER her.

1 Samuel 2:20

Eli ver Elkana kua kwase na doo doo a kaa er: TER A̱ na u tsombor sha kwase ne sha ityough ki iwasen i u wase TER a mi la. Tsô ve yem hen ya ve.