1 Peteru 5:9 - ICIGHAN BIBILO

⁹ Hendan nen a na, tile nen dông sha jighjigh u nan gadia ne fa anmgbianev enev sha won cii kpaa i ver ve ican shon i môm i môm i ne lu yan i ne vough.

1 Peteru 5:9 Iomraidhean Croise

Luka 22:32

Kpa M er msen sha ci wou sha u jighjigh wou u nan a̱ de yen ga yô; we kpaa, shighe u ú gema ishima yô, taver anmgbianev ou asema.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

1 Mbakorinte 10:13

Ma imeen ngi a tser ne ga, saa i hemban or ga la. Kpa Aôndo yô, ka u jighjigh, Una rumun er i̱ va mee ne i̱ hemba agee a en ga, kpa ken imeen la Una bugh ne gbenda u waren sha er ne tile dông yô.

Mbaefese 4:27

De ne nen diabolo ian ga.

Mbaefese 6:16

Er ne lu a akaa ne cii yô, shi tôô nen akuvautya, ka jighjigh u nan je la, u né fatyô u pirin avaan a usu a orbo la a mi cii yô.

Mbakolose 2:5

Gadia aluer ken iyol m ngu ga kpaa ken jijingi yô, m ngu a ven, m ngu ember m ngu nengen a mlu wen u tsembelee man mtil u jighjigh wen u nan a til ken Kristu taveraa la.

1 Mbatesalonika 3:3

sha u ma or môm nana̱ de lu pee pee sha mtev u sha atsan ne ga. Gadia ne ayol a en kpaa ne fa ka sha kwagh ne je i ver se ye.

1 Timoteu 6:12

Nôngo ityav mbi dedoo mbi jighjigh u nan la, naregh kôr uma u tsôron u i yila u sha mi la gbang, u u pase mpase u dedoo sha mi sha ishigh ki mbashiada kpishi la.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:12

Man mba i sar ve pe zenden sha mciviraôndo ken Kristu Yesu cii á tôv ve a ican.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:7

M nôngo ityav mbi dedoo ve. M kure ayem am vough, m saa a jighjigh u nan.

Mbaheberu 11:33

Mban yô, ve hemba ityartor ityav sha jighjigh u nan, ve er perapera, ve ngohol uityendezwa, ve cir ubegha ijô,

Mbaheberu 12:8

Aluer mba kôôm ne er mbagenev ve nyer sha mi cii nahan ga yô, ka umaramôndo ne lu ye kera ka ônov jim ga.

Yakobu 4:7

Gema nen ayol a en, na nen sha ikev i Aôndo man hendan nen a diabolo tsô una yevese ne.

1 Peteru 1:6

Sha kwagh ne yô, ne mba ember kpishi shin er hegen, aluer a gba nahan yô, ameen atô kposo kposo nga vihin ne asema sha anyangem kpeghee.

1 Peteru 2:21

Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô.

1 Peteru 3:14

Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga.

1 Peteru 4:13

Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung.

Mpase U Yohane 1:9

Mo Yohane, anmgbian wen u m lu a kwar a ven imôngo sha atsan a yan man sha tartor man sha ishima i taver ken Yesu, m lu ken icile i i yer er Patemo la, sha ci u mkaanem ma Aôndo man sha ci u shiada u Yesu.

Mpase U Yohane 6:11

Tsô i na hanmô ve riga u pupuu man i kaa a ve er, ve̱ hira tile kpuaa zan zan i iv iyenge i mba ve lu akar a ve a tom man anmgbianev vev kpaa mba á va wua ve er lu i wua ve nahan la.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.