1 Peteru 5:8 - ICIGHAN BIBILO

⁸ Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

1 Peteru 5:8 Iomraidhean Croise

Eseter 7:6

Tsô Eseter kaa er: Orhendan man orihom ka Haman iferor ne. Tsô cier Haman iyol a tor kua pendatyo.

Yobu 2:2

Tsô TER pine Satan er: U due hana? Satan gema kaa a TER er: Ka ken ijende wue wue shin tar, u kôndon man u senen shin u.

Upasalmi 104:21

Agumabegha ka a taan kume, a yaren ikôr, a keren kwaghyan hen Aôndo.

Upasalmi 109:6

Wa un sha ikev i iferor, ormsende a̱ tile un ken uwegh ku yanegh.

Anzaakaa 19:12

Iyugh i tor ngi er kume u gumbegha yô, kpa iveren na gema ngi er avure sha toho u ndor nahan.

Anzaakaa 20:2

Mcieryol u tor ngu er kume u gumbegha yô, or u nan bam iyugh na yô, nan ngu eren uma u nan kwaghbo.

Anzaakaa 28:15

Er begha u tan kume man er dwem u zenden ikôr nahan, kape iferor u teman tor sha ior mbaibanave nan lu la.

Yesaia 50:8

Wen u a nem ishô la, ngu ikua ikua; ka an je i sar nan u yilan Mo ijiri? Sé mough nen sha imôngo! Ka an nan lu orhendan a moo? Nana̱ kporom ase her a Mo.

Yeremia 2:15

Agumabegha ve ta un kume, ve taver imo; ve gema tar na hingir ice; i nande agar a na sha usu, or kera tema ker ga.

Yeremia 51:38

Vea ta kume imôngo er agumabegha nahan; man vea kpela iker er ônov mba begha mba kiriki nahan.

Esekiel 19:7

A vihi uya mba utor, a hembe agar a ve a vesen; tar la hingir ice kua m-iv u u, sha ci u ihuran i ikume na la.

Esekiel 22:25

Uprofeti Nav zua zwa u bo ker atô u u, er ka begha u tan kume anden inyam i a ker yô; ve ya uuma mba iorov, ve kura inyarev man akaa a injaa, ve seer kasev mba côgholov ken u kpishi.

Daniel 6:24

Tor shi kaa er, i̱ va a ior mba ve sende Daniel mbala, i̱ gbihi ve shin ihungwa i ubegha, ve man ônov vev man kasev vev; er ve lu a mande shin mkur u ihungwa la ga je tsô ubegha ve va hemba ve, ve hembe akuhe a ve avur avur cii.

Hosea 11:10

Vea zende a TER ityô; Una ta kume er begha nahan; gadia Una ta kume, tsô ônov mba nomso vea mough shin ityôtar vea va her a Na a akarkase iyol.

Hosea 13:8

Me ta sha a ve er dwem u i kor un ônov kera yô, Me ande vanger ve; Me ya ve er begha nahan; inyamikume ia tuse a ve.

Yoel 3:16

TER ngu tan kume ken Shion, ngu taver imo ken Yerusalem je; Usha man tar tenger kpa TER Una hingir ijiir i yeren i ior Nav, man garutya u Mbaiserael.

Amoshi 1:2

A kaa er: TER ngu tan kume ken Shion, ngu taver imo Na ken Yerusalem je, ajiir a yan toho a uile zungwe, ityough ki Karmel kpaa ure.

Amoshi 3:4

Begha te kume shin ikô zum u a ker inyam ga kpa? Gumbegha te kume ken bar na zum u ka una kôr kwagh ga kpa?

Amoshi 3:8

Begha ta kume, yô, ka an je nana de ciana? Ter AÔNDO ôr kwagh, yô ka an je nana de pasenaa?

Sekaria 11:3

Ungwa, mliam ma mbakuranilev! gadia icivir ve saa kera; ungwa, kume u agumaubegha! gadia gborikô u Yordan saa ishe.

Sekaria 3:1

Tsô A tesem zegepristi Yosua, a tile sha ishigh ki Ortyom u TER, Satan gema tile un ken uwegh ku yanegh sha u yilan un ijir.

Mateu 13:39

Orihom u a lee i la yô, ka diabolo; sunda la yô, ka mkurtar; mbasundan mbala yô, ka mbatyomov mba Shaav.

Mateu 24:42

Yô, kuran nen, gadia ne fa iyange i Ter wen Una va la ga.

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Mateu 4:1

Zum la Jijingi yem a Yesu ken taaikôngo, sha u diabolo a̱ za mee Un yô.

Mateu 4:11

Tsô diabolo mough hen Na kera; tsô mbatyomov mba Shaav va, va wase Un.

Marku 4:15

Mba ve lu sha gbenda henpe i te kwaghôron la, ka mba ka vea ungwa yô, fese je Satan a va, a ngohol kwaghôron u i lee ken asema a ve la kera.

Luka 21:34

Kpa ver nen ishima sha ayol a en, asema a en a̱ de yoho sha hua u sha kwaghyan man sha ihundugh man sha akaa a nyian ishima a uma ne ga, iyange la i̱ de va bulun ne er kwaghhônon nahan ga;

Luka 21:36

Nahan kuran nen shi eren nen msen hanma shighe cii, sha er né kuma u waren akaa a á va er la cii, man né tile sha ishigh ki Wan u or yô.

Luka 22:31

Shimon! Shimon! Nenge, Satan norom sha u una yegher ne er uwua nahan.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

2 Mbakorinte 2:11

Ka sha u Satan a̱ de ye mtsera sha a vese ga yô. Se kera lan ayom a na ga.

Mbaefese 4:27

De ne nen diabolo ian ga.

Mbaefese 6:11

Huwa nen ikav mbi utyav mbi Aôndo cii iyol sha u né fatyô u tilen dông hendan a ayom a diabolo yô.

1 Timoteu 2:15

Kpa una war sha ônov mba maren aluer una tile ken jighjigh u nan man dooshima man mtsegh man u eren kwagh sha kwaghfan yô.

1 Timoteu 2:9

Shi sarem pe kasev di kpaa ve̱ wuhan ayol a ve daalaa, i̱ lu sha kwaghfan man akuma akuma kpaa, i̱ de lu sha gbatyou u gban, shin sha zenaria shin sha utagbede shin sha akondo a taver ishe kpaa ga,

1 Timoteu 3:11

Kape kasev kpaa, ve̱ lu mbamimi je la, ve̱ de lu mbaangerev ga, ve̱ lu mbakundunasema, ve̱ lu jighjigh ken akaa cii.

1 Timoteu 3:2

Orkuran yô, ka u nana̱ lu a acôghol a wan iyol ga keng je, nana̱ lu or u kwase môm, man or u kundun ishima, man or u tsev tsev, man or u eren kwagh sha inja, man or u eren dedoo a mbavannya, man or u fan ityesen kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

Titu 1:8

kpa i̱ lu or u eren a mbavannya dedoo, man or u kwagh u dedoo a doo nan man or u tsev tsev man or u jighjigh man icighanor man or u kôron iyol na tsaha kpaa,

Titu 2:12

Ngu tesen se er se̱ venda mwe u i wa Aôndo iko ga la man asaren a taregh kpaa, se̱ zenden tsev tsev man sha jighjigh man sha mciviraôndo kpaa ken tar u ainge ne,

Titu 2:2

Wa mbaganden kwagh wer, ve̱ lu per, ve̱ tema sha inja sha inja, ve̱ lu tsev tsev, i̱ kpe jighjigh ve u nan la iyol kua dooshima man ishima i wan ve la kpaa.

Titu 2:4

Nahan man vea wa kasev mba kiriki kwagh er noov vev ve̱ doo ve asema kua shi ônov vev kpaa,

Titu 2:6

Kape mbayevikaior kpaa, wa ve kwagh la, ve̱ lu tsev tsev sha akaa cii.

Yakobu 4:7

Gema nen ayol a en, na nen sha ikev i Aôndo man hendan nen a diabolo tsô una yevese ne.

1 Peteru 1:13

Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

Mpase U Yohane 12:10

Tsô m ungwa zegeimo Sha, lu kaan er: Hegen yô, myom man agee man tartor u Aôndo wase man shi tahav mbu Kristu Na kpaa va ve, gadia or u senden anmgbianev asev la yô, i gbihi un kera, un u a senden ve sha ishigh ki Aôndo atetan kpaa, tugh kpaa la.

Mpase U Yohane 12:12

Nahan yô, ember nen ne Usha, man shi ne mba ne tem ker kpaa. Kpa kwagh á gema á tser tar man zegemnger gadia diabolo sen shin ven, ishima vihi un tsung gadia a fa er shighe na a kera vese ga yô.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 20:10

Diabolo u a lu tsughun ve la kpaa i kende un ken ber u usu man sulfur ape inyam man profeti u aie ve lu la; á eren ve ican atetan kpaa tugh kpaa gbem sha won.

Mpase U Yohane 20:2

Tsô a kôr darakon, ka tseiyô u a lu diabolo man Satan kpaa la, a kange un, una lu uikangen zan zan anyom dubu,

Mbaajiriv 14:5

Tsô Semson kua ter na man ngô na ve gba senen zan shin Timna; mba za ar hen ishule i ikon i wain i Timna yô, gumbegha mough gba tan kume a na.