1 Peteru 5:5 - ICIGHAN BIBILO

⁵ Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

1 Peteru 5:5 Iomraidhean Croise

2 Kroniku 6:41

Yô, TERE, Aôndo, mough va hen ijiir You i memen, We, kua areki u agee Ou; TERE, Aôndo, upristi Ou ve̱ haa myom iyol, uicighan Ou kpaa ve̱ ember kwagh u doon.

Yobu 22:29

Shighe u ia sen a sen yô, ú kaa wer: Kende sha; man or u varen inya kpaa, Una yima nan.

Yobu 29:14

M haa perapera iyol, a cirim er ka ikondo yô; mimi wam lu er riga nahan man shi er tsar u sha ityou yô.

Upasalmi 132:16

Upristi nav kpaa, Me cir ve myom iyol, mba i doo Un a ve la kpaa, vea ember tsung je.

Upasalmi 132:9

I̱ cir upristi Ou perapera iyol; mba i doo U a ve la, ve̱ ember tsung je.

Upasalmi 138:6

Gadia er TER A lu Sha, nahan kpaa, we mbahiden ayol ijime iko, kpa mbagengeseyol yô, fe ve ken ica je.

Anzaakaa 25:7

Gadia guda u i̱ kaa a we er: Kôndo sha ijiir ne, a u i̱ hile a we ijime sha ishigh ki shagbaor, u ashe ou a nenge a na la.

Anzaakaa 3:34

Mba ve puun akaa yô, ka A puu ve, kpa mba ve hir ayol a ve ijime yô, A zungwen ve mhôônom.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Esekiel 26:16

Nahan utor mba hen zegemnger cii vea hungwa sha mkônom vem ma torom, vea er uriga vev, man vea bugh akondo ve a sha hwe la kera; vea gema vea cir ikarikase iyol, vea tema inya, vea zer gbidyen ikarikase iyol, man á kondo ve iyol sha ci wou.

Daniel 11:12

Zum u una kura ikpelaior la kera yô, ishima na ia kende sha; una haa ior inya udubu, udubu pue, kpa una taver zan zan ga.

Levitiku 19:32

Mough tile sha, sha ishigh ki or u menden ivu, civir ishigh ki tamenor, cian Aôndo wou; ka Mo TER.

Luka 22:26

Kpa ne yô, ka nahan ga; kpa u nana lu u vesen ken a ven yô, nana̱ hingir er u masetyô yô; man u nana lu orhemenegh, nana̱ hingir er wanye u wasen ne nahan.

Mbaromanu 12:10

Doo nen ayol a en tsung sha dooshima, hemen nen sha u nan ior icivir.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

Mbaefese 5:21

Ungwan nen ayol a en sha ci u cian Kristu.

Mbafilipi 2:3

De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

1 Timoteu 5:1

De zehe a organden ga kpa wa a wa nan kwagh er ka ter nahan; er a mbayevikaior kpaa er ka anmgbianev nahan,

Mbaheberu 13:17

Ungwan nen imo i mbahemenev enev, hide nen a ayol a en ijime hen ve gadia mba kuran uuma enev er ka ior mba vea za pase kwagh u ve er la keng nahan. Ve̱ er nahan saan saan i̱ de lu sha ishima i vihin ga, gayô, á lu ne a inja ga.

Yakobu 4:6

Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn.

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.

1 Peteru 4:1

Er Kristu A ye ican ken iyol yô, ne kpaa, kange nen ishima sha mhen ne, gadia u nan ye ican ken iyol yô, nan de isholibo ve,

1 Peteru 4:5

Kpa vea va ôr kwagh ve sha ishigh ki Un u A kegh iyol u ôron mbaumav man mbakpenev ijir la.