1 Peteru 4:5 - ICIGHAN BIBILO

⁵ Kpa vea va ôr kwagh ve sha ishigh ki Un u A kegh iyol u ôron mbaumav man mbakpenev ijir la.

1 Peteru 4:5 Iomraidhean Croise

Upasalmi 1:6

gadia TER fa gbenda u mbaperapera, kpa gbenda u mbaaferev yô, ua saa ishe.

Orpasenkwagh 12:14

Gadia Aôndo Una va a hanma tom hen ijir kua hanma kwaghmyer kpaa, shin a lu u dedoo, shin a lu u bo kpaa.

Esekiel 18:30

Sha ci u nahan yô, we ya u Iserael, Me kure ne ijir, hanmô sha aeren a nan, kape Ter AÔNDO A kaa ne. Gema nen asema, undu nen asorabo a en cii; a̱ de kera hingir ne kwagh u nan gbev mbu nôngon eren iferkwagh ga.

Mateu 12:36

Kpa M ngu kaan ne: Hanma kwaghôron u dang u ior ve er, á pine ve kwagh sha mi sha iyange i ijir, vea ôr je.

Luka 16:2

Nahan a yila un a kaa a na er: Ka nyi kwagh m ongo sha a we nahana? Ôrom kwagh sha kwagh u m we u sha ikev la, gayô u kera fatyô u nengen mo sha inyar ga.

Aerenakaa A Mbaapostoli 10:42

Shi A wa se kwagh er se̱ ôr nongoior la kwaghaôndo, shi se̱ pase kpaa er: Ngun ka u Aôndo ver Un Orjir u mbaumav man mbakpenev je ne.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

Mbaromanu 14:9

Ka sha ci u nahan man Kristu kpaa A kpe shi A lu uma ye, ka sha u Una lu Ter u mbakpenev man mbaumav kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:1

M ngu wan we kwagh sha ishigh ki Aôndo man Kristu Yesu u Una va ôr mbaumav man mbakpenev ijir la, sha m-ande Na man tartor Na la,

Yakobu 5:9

Anmgbianev, de gbe nen ahon ayol a en ga sha u i̱ de ne ne ibo ga yô. Nenge, Orjir va, ngu tilen sha hunda.