1 Peteru 4:2 - ICIGHAN BIBILO

² sha u ayange a ken iyol a a shi ne her yô, né kera eren sha asaren a ior ga, kpa i̱ lu sha ishima i Aôndo.

1 Peteru 4:2 Iomraidhean Croise

Upasalmi 143:10

Tesem, m̱ er ishima You, gadia We U ngu Aôndo wam; Jijingi Wou u dedoo la, A̱ za a mo ken tar u u lu vaanaa.

Hosea 6:7

Kpa ve vihi ikuryan er Adam nahan; ka heera ve er a Mo dang ye.

Mateu 12:50

Gadia hanma or u nan eren ishima i Terem u A lu Sha yô, ka nan je nan lu anngôm u nomso man anngôm u kwase man ngôm kpaa ye.

Mateu 20:4

Mbala kpaa A kaa a ve er: Ne kpaa yarem nen sule, man kwagh u a kom yô, me na ne. Tsô ve yar.

Mateu 21:31

Nahan ken ve̱ mba uhar mbala, ka an nan er ishima i ter na? Ve kaa er: Ka u masejime la. Yesu kaa a ve er: Mimi je, M ngu kaan ne, mbangoholkpandegh man udyambaiorov mba vanden nyôron tartor u Aôndo a ven.

Mateu 7:21

Ka hanma or u nana kaa a Mo er, Tere! Tere! man nana nyôr sha tartor u Sha ga, saa u nan eren ishima i Terem u A lu Sha yô.

Marku 3:35

Gadia hanma or u nan eren ishima i Aôndo yô, ka nan je nan lu anngôm u nomso man u kwase man ngôm kpaa ye.

Marku 7:21

Gadia ka ken ateghatô ken asema a ior je akaabo a henen, man idya i eren, man iv, man iwooor,

YOHANE 1:13

ka mba i mar ve sha awambe ga, shin sha ishima i iyolough kpaa ga, shin sha ishima i or kpaa ga, kpa ka Aôndo je mar ve ye.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 14:7

Ma or môm ken vese nan gbe lun uma sha ci u nan iyol i nan ga, man shi ma or gbe kpen sha ci u iyol i nan kpaa ga.

Mbaromanu 6:11

Nahan ne kpaa, nengen nen ayol a en er ne lu kpenegh sha kwagh u isholibo kpa ne gem ne lu uma sha ci u Aôndo ken Kristu Yesu yô.

Mbaromanu 6:2

Mayange ga! Á er nan man se mba se kpe sha kwagh u isholibo shi sé lu uma kimi?

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

2 Mbakorinte 5:15

Man A kpe ka sha ci u ior cii sha u mba ve lu uma yô, ve̱ de kera lu uma sha ci ve ayol a ve ga, kpa i̱ lu sha ci u Un u A kpe sha ci ve shi i nder Un kpaa la.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaefese 4:17

M ngu ôron kwagh ne ken Ter m ngu eren shiada mer, mayange de kera zenden nen er atôatyev a zenden sha mhen ve u gbilinigh la nahan ga.

Mbaefese 5:17

De luun nen mbabumen ga, kpa kav nen er ishima i Ter i lu yô.

Mbaefese 6:6

I̱ de lu tom u sha ashe a ior tsô er ka mbadoon ityough a ior nahan ga, kpa i̱ lu er mbashiren Kristu tom mba ve eren ishima i Ter a ishima i môm yô.

Mbakolose 1:9

Sha ci u nahan yô, hii sha iyange i se ungwa kwagh la je se kera mem u eren msen man shi u zamber sha ci wen ga, ser ma i iv ne a mfe u fan ishima Na sha kwaghfan cii man mkav u ken jijingi kpaa,

Mbakolose 3:3

Gadia ne kpe, uma wen yô i yer un a Kristu imôngo ken Aôndo.

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

1 Mbatesalonika 5:18

Ken hanma kwagh cii, naan nen ishughun, gadia ka ishima i Aôndo sha a ven ken Kristu je ne.

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

Yakobu 1:18

Ka sha awashima Na A mar se sha kwaghôron u mimi la ye. Ka sha u se̱ lu er ka iyiav mbi tsutswav nahan ken akaa a Un gbe la.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

1 Peteru 2:1

Nahan undu nen hanma ifer man hanma icugh man imanger man iwuhe man angereke cii kpaa,

1 Yohane 2:17

Man tar yô, ngu karen kera kua isharen i u kpaa; kpa u nan eren ishima i Aôndo yô, nan ngu lun gbem sha won.