1 Peteru 4:18 - ICIGHAN BIBILO

¹⁸ Man aluer a shi zor zor u or u perapera nana war ga yô, or u nan vende Aôndo man orisholibo yô, vea za hana?

1 Peteru 4:18 Iomraidhean Croise

Genese 13:13

Kpa ior i Sodom yô, lu aferaior, lu eren akaabo kpishi sha ishigh ki TER.

Anzaakaa 11:31

Nenge, orperapera je kpaa, a na nan sha ieren i nan shin tar, man hile iferor vea orisholiboo!

Yeremia 25:29

Gadia, nenge, gar u i yer un sha iti Yam je kpaa, M ngu hiin u haan akaabo sha a na, man hire ne, á de ne yee? Á de ne ga; gadia M ngu yilan sanker Mer a̱ va ta num sha mba ve tem sha won cii, kape TER u akum a Sha A kaa la.

Esekiel 18:24

Kpa aluer orperapera nana gema á undu perapera u nan man nana er iferkwagh nana eren akaa a ndôhôrshima a iferor nan eren yô, nahan nana lu uma jee? Á kera umbur aerenakaa a nan a perapera a nan lu eren la kwa môm tsô kpaa ga; ka sha ci u mimi ga u nan man sha ci isholibo i nan er la je, nana kpe ye.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Luka 15:1

Mbangoholkpandegh cii man mbaasorabo manger her a Na sha u ungwan Un.

Luka 23:31

Gadia vea eren akaa ngan sha kon u ndor yô, u ombor je yô, á er a u nana?

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Aerenakaa A Mbaapostoli 27:24

A kaa er: De cie ga, Paulu; tilen you sha ishigh ki Shisar kpee je; nenge, Aôndo kpaa na u mba ve lu zan a we imôngo la cii sha ikev.

Aerenakaa A Mbaapostoli 27:31

Tsô Paulu kaa a torutya kua mbautyav er: Aluer mban vea lu shin tso her ga yô, né fatyô u waren ga.

Mbaromanu 1:18

Ka Sha man i lu pasen iyugh i Aôndo ye. Ngi van sha hanma mvende u i lu vendan Aôndo man sha hanma ifer i ior mba ve lu kighir mimi inya sha kwagh u ifer la;

Mbaromanu 5:6

Gadia er se lu aseeraior her la je Kristu kpe er shighe va kuma vough yô, sha ci u mba ve fe Aôndo ga la.

Mbaromanu 5:8

Kpa Aôndo tese se dooshima Na sha ku u Kristu A kpe sha ci wase er se lu mbaasorabo her la.

1 Mbakorinte 10:12

Nahan yô, or u nan fe er nan tile yô, nana̱ ver ishima er nana kera va gba ga yô.

1 Timoteu 1:9

I fa kwagh ne nahan er, i ver tindi ka sha ci u or u nan lu u perapera la ga, kpa ka sha ci u mbavendan atindi kua mbahembanato, man shi mba ve vende Aôndo kua mbaasorabo man shi mbalun wang ga kua udangmbaiorov man shi mbawuanuter kua mbawuanungô kua mbawuanior,

Mbaheberu 4:1

Nahan yô, er ityendezwa i nyôron ken mmem Na i lu her yô, se cia nen sha u i̱ de nengen sha hanmô wen er i bunde nan ga.

Yakobu 5:6

Ne gba kuren kwagh u orperapera dang tsô ne wua un je, kera ngu hendan a ven ga.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

2 Peteru 3:7

Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye.

Yuda 1:15

sha u Una ôr ior cii ijir; mba ve vende Aôndo la cii Una na ve ibo sha aeren a ve a vendan Aôndo la cii, a ve er ve venda Aôndo la man shi sha akaaôron a vihin cii a mbaasorabo mba ve vende Aôndo la ve lu ôron sha a na yô.

1 Samuel 15:18

man TER tindi u sha gbenda, kaa er: Za, za tim mbaasorabo purututu, ka Mbaamaleki je la, nôngo ityav a ve zan zan ve̱ bee kera.