1 Peteru 4:16 - ICIGHAN BIBILO

¹⁶ Kpa aluer orgen nana ya ican er Orkristu yô, kunya u̱ de ker nan ga, kpa nana̱ civir Aôndo ken Iti ne.

1 Peteru 4:16 Iomraidhean Croise

Yesaia 24:15

Nahan yô, civir nen TER sha vegher u sha iwanger la; sha ityar i hen kpe u zegemnger, civir nen iti i TER, Aôndo u Iserael.

Yesaia 50:7

Kpa Ter AÔNDO wasen Mo; nahan yô, kunya kôrom ga; ka nahan kpaa M ver ishigh Yagh er ka iwen i gberusu nahan, shi M fe, Me va ahenge kpaa ga ye.

Yesaia 54:4

De cie ga, gadia ú ya kunya ga; i̱ de kondon we iyol kpaa ga, gadia ú va ahenge ga; gadia kunya u iyev ou ua hungul we, iheen you i sha mlu u kwasecôghol la kpaa, ú kera umbur i ga.

Aerenakaa A Mbaapostoli 11:26

za zough a na yô, a va a na hen Antioki. Nahan yô, ve lu heregh ve kohol a nongo u Kristu kuma inyom i môm, ve lu tesen ikpelaior i vesen. Ka hen Antioki man i hii yilan mbahenen er Mbakristu ye.

Aerenakaa A Mbaapostoli 26:28

Agripa gema kaa a Paulu er: Sha ankwaghôron wou u kpuaa ne tsô, ka u ka geman mo, m̱ hingir Orkristu!

Aerenakaa A Mbaapostoli 28:22

Kpa sar se ka ungwan mnenge wou; gadia sha kwagh u annongo ne yô, ngu ken igbar je hen a vese, han han kpaa mba teren un dang.

Aerenakaa A Mbaapostoli 5:41

Nahan ve due ken mkohol la kera, ve gba ember sha er i nenge er ve kuma u yan ican i aheenegh sha ci u iti la yô.

Mbafilipi 1:20

er m keghen tsung shi m veren ishima kpaa mer, ma m ye kunya sha kwagh môm môm ga, kpa i̱ civir Kristu ken iyol yam vangertiôr je hegen kpaa er i vande lun keke ne nahan, shin a lu sha uma, shin a lu sha ku kpaa.

Mbafilipi 1:29

Ne yô, i rumun ne sha mhôôn er sha kwagh u Kristu yô, ka jighjigh tseegh né na Un ga, kpa né ya ican sha ci Na kpaa,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

Yakobu 2:7

Kera ka ve je ve lu tuhwan iti i doon i i yer ne a mi la ye gaa?

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

1 Peteru 4:14

Aluer a hee ne sha ci u iti i Kristu yô, á kpe ne iyol je sha ci u Jijingi u iengem man u Aôndo A tem sha a ven yô.

1 Peteru 4:19

Nahan yô, mba ve ye ican sha ishima i Aôndo la, ve̱ wa ayol a ve sha ikev i Ujighjigh u A gbe akaa cii la, ve̱ eren akaa a dedoo.