1 Peteru 4:13 - ICIGHAN BIBILO

¹³ Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung.

1 Peteru 4:13 Iomraidhean Croise

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 35:10

Mba TER A paa ve la vea hide, vea va a icam i wan hen Shion; iember i tsôron ia lu ve sha ityou; vea zua a msaanyol kua iember, ishima i vihin kua ishima i shirin ia yevese kera.

Yesaia 51:11

Mba TER A paa ve la vea hide, vea nyôr ken Shion a atsam zwa, iember i tsôron ia lu ve sha ityo, vea zua a iember kua msaanyol, ishimavihin man ishimashirin ia yevese kera.

Mateu 16:27

Gadia Wan u or Una na hanma or sha aeren a nan.

Mateu 25:21

Tsô ter na kaa a na er: Doo yum, we ortom u injaa u jighjigh, u er jighjigh sha akaa a kpeghee, nahan me ver u sha akaa kpishi. Nyôr ken iember i teru.

Mateu 25:23

Ter na kaa a na er: Doo yum, we ortom u injaa, u jighjigh, u er jighjigh sha akaa kpeghee; nahan me ver u sha akaa kpishi. Nyôr ken iember i teru.

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 5:12

ember nen, i̱ saan ne ken ishima tsung, gadia injar yen vese Sha, gadia kape ve tôv uprofeti mba ve vande a ven la a ican je la.

Marku 8:38

Gadia hanmô u nana cia ashe sha ci Wam man akaaôron a Am hen kov u eren idya man u asorabo ne yô, Wan u or kpaa Una cia ashe sha ci u nan zum u Una va sha icivir i Ter Na a uicighanmbatyomov la.

Luka 17:30

Ka anzaakaa ne aa er sha iyange i á pase Wan u or la ye.

Aerenakaa A Mbaapostoli 16:25

Kpa ka kom atôutu nahan yô, Paulu man Shila gba eren msen, wan atsam a civir Aôndo; mbakwarev kpaa lu ungwan ve.

Aerenakaa A Mbaapostoli 5:41

Nahan ve due ken mkohol la kera, ve gba ember sha er i nenge er ve kuma u yan ican i aheenegh sha ci u iti la yô.

Mbaromanu 5:3

Man ka nahan tseegh ga, shi se mba wuese ken atsan ase a yan kpaa, gadia se fa ican i yan i ne ishimataver,

Mbaromanu 8:17

Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

Mbaromanu 8:18

M fa, atsan a se ye shighe u ainge ne a kuma sha iengem i á va pase se la ga.

2 Mbakorinte 1:5

Gadia er atsan a Kristu a ngee ken vese yô, kape ishimasurun yase kpaa i ngee sha Yesu Kristu je la.

2 Mbakorinte 1:7

Ishimaverenkeghen yase sha a ven ngi taveraa gadia se fa, er ne nyer nongo ken atsan a yan nahan yô, kape shi né nyôr nongo ken ishimasurun kpaa la.

2 Mbakorinte 4:10

Se mba tôôn ku u kpen u Yesu ken iyol yase gbem je sha u uma u Yesu la kpaa i̱ tese un ken iyol yase gbar gbar yô.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Mbafilipi 3:10

sha u ma m fe Un man agee a mnder Na u shin ku, man mzough u zuan a Na sha atsan a Na man u hingir kwagh môm a Na ken ku Na la,

Mbakolose 1:24

Hegen yô, m ngu ken atsan a m lu yan sha ci wen man m ngu ivin kwagh u a shi sha atsan a Kristu la ken iyol yam, ka sha ci u iyol Na, ka nongo Na je la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:12

Aluer se wa ishima yô, sé ya tor a Na imôngo. Aluer se nyiman Un yô, Un kpaa Una nyiman se.

1 Peteru 1:13

Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough.

1 Peteru 2:21

Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô.

1 Peteru 5:1

Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

Yuda 1:24

Un u A lu a agee a Una kura ne sha u né kera nôngo gbev ga shi Una ver ne né lu a acôghol iyol ga sha ishigh ki iengem Na a iember tsung je,

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.

Mpase U Yohane 1:9

Mo Yohane, anmgbian wen u m lu a kwar a ven imôngo sha atsan a yan man sha tartor man sha ishima i taver ken Yesu, m lu ken icile i i yer er Patemo la, sha ci u mkaanem ma Aôndo man sha ci u shiada u Yesu.