1 Peteru 3:9 - ICIGHAN BIBILO

⁹ De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô.

1 Peteru 3:9 Iomraidhean Croise

Genese 42:25

Tsô Yosev kaa er, i̱ iv aba a ve a alakema, i̱ hide a inyaregh ki hanma or ken iba u nan, i̱ na ve kwaghyan u gbenda kpaa; ka ape i er a ve je la.

Anzaakaa 17:13

Or u nan or iyev i kwagh u dedoo sha ifer yô, ifer ia undu ya u nan mayange ga.

Anzaakaa 20:22

De kaan wer, me or iyev sha ifer, ga! Kegh TER, tsô Una yima u.

Anzaakaa 28:10

Or u nan er mbaperapera sha u ve̱ kaha ve̱ za sha gbenda u bo yô, nan iyol i nan je nana gba shin ihungwa i nan, kpa mbamimi yô, vea ya dyako u dedoo.

Mateu 19:29

Man shi hanmô u nan undu uya shin anmgbianev mba nomso, shin mba kasev, shin ter, shin ngô, shin ônov, shin ishule sha ci u iti Yam yô, nana shi á zua a mi kwa akunduatar shi nana zua a uma u tsôron kpaa.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 5:39

kpa Mo yô, M kaan ne Mer: De hendan nen a or u ifer ga; kpa hanma or u nana ta u sambe sha hengegh ku yanegh yô, gema nan kugenegh kpaa.

Mateu 5:44

Kpa Mo yô, M kaan ne Mer: Doo nen a mbaihomov enev, man shi eren nen msen sha ci u mba ve tev ne a ican yô;

Marku 10:17

Dugh ngur yemen sha gbenda yô, orgen va ayem, va gure inya sha ishigh Nagh, pine Un er: Ortesen u dedoo, me er nan man me zua a uma u tsôrono?

Luka 10:25

Tsô orfanatindi ugen mough, tile sha, gba karen Un, kaan er: Ortesen, me er nan man me zua a uma u tsôrono?

Luka 18:18

Orvesen ugen pine Un er: Ortesen u dedoo, me er nan man me zua a uma u tsôrono?

Mbaromanu 12:14

Veren nen mba ve tev ne a ican la dedoo. Veren nen ve dedoo de toho nen ve ga.

Mbaromanu 12:17

De oron iyev i ifer sha ifer ga. Ver nen ishima u eren akaa a dedoo sha ishigh ki ior cii.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

Mbaromanu 8:30

mba A vande veren ve yô, A yila ve kpaa; mba A yila ve yô, A na ve ishô kpaa; mba A na ve ishô yô, A na ve iengem kpaa.

Mbagalatia 3:14

sha u iveren i dedoo i Aberaham i̱ haa sha atôatyev ken Yesu Kristu, man se̱ ngohol ityendezwa i Jijingi sha jighjigh u nan yô.

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

1 Mbatesalonika 5:15

Nenge nen sha er ma or nana̱ de ôron iyev i ifer sha ifer ga. Nôngon nen sha kwagh u doon gbem je hen a ven ayol a en man shi a mbagenev cii kpaa.

Mbaheberu 12:17

Gadia ne fa zum u i mase saren un pe yan dyako sha iveren i dedoo yô, i venda un gadia a kera zua a ian i geman ishima ga shin er a ker i ngegh, a mliam ashe je kpaa.

Mbaheberu 6:14

A kaa er: Mimi je, Me ver u doo doo, Me seer we kpishi je.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

1 Samuel 26:11

TER A̱ yangem, m̱ de ze uwegh agh sha or u TER, u i shigh un mkurem la ga; kpa tôô iwange i i lu un vegher u sha ityou la kua isheghmnger, sé yem.