1 Peteru 3:7 - ICIGHAN BIBILO

⁷ Nahan ne nomso kpaa, lu nen a kasev enev imôngo sha kwaghfan, waan nen kasev iko er ve hembe yinan agee yô, gadia ve kpaa, ka mbayandyako u sha mrumun u sha mhôôn u uma a ven imôngo, sha u i̱ de vende mbamsen enev ga yô.

1 Peteru 3:7 Iomraidhean Croise

Yobu 42:8

Yô, hegen, kôr nen anomabua ataankarahar man anomaiyôngo ataankarahar, za nen hen wanakiriki Wam Yobu, za na nen nagh ku nanden sha ci wen; wanakiriki Wam Yobu a̱ er msen sha ci wen; gadia Me rumun un, nahan Me kera or ne iyev sha lanegh enegh ga; gadia ne terem sha kwagh u mimi er wanakiriki Wam Yobu a er nahan ga.

Mateu 18:19

Man shi M ngu kaan ne Mer: Aluer ior ihiar ken a ven man vea zua ishima shin tar sha ma kwagh u vea sôn yô, Terem u A lu Sha kpaa Una er ve un.

1 Mbakorinte 7:3

Nom la nana̱ er kwase kwagh u i lu kpee u eren a nan la, kwase la di kpaa nana̱ er a nom u nan nahan vough.

Mbaefese 3:6

er atôatyev kpaa a lu mbayandyako imôngo man iyol i môm man nongo môm a vese sha ityendezwa i ken Kristu Yesu sha Loho u Dedoo.

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

Mbaefese 5:33

Nahan ne kpaa, hanma or kwase u nan a̱ doo nan ishima er iyol i nan nahan, kwase kpaa, a̱ cia nom u nan.

Mbaefese 6:18

Eren nen msen hanma shighe ken Jijingi sha hanma msen man mzamber cii. Luun nen per sha mi sha ishima i taver man sha mzamber sha ci u uicighanmbaiorov cii,

Mbakolose 3:19

Ne noov kpaa, kasev enev ve̱ doo ne asema, de yuwen nen ve ga.

1 Mbatesalonika 4:4

Hanma or ker a ven nana̱ fa er nana er kwase u nan iyol i nan sha icighanmlu man iko i wan kpaa.

Titu 3:7

sha u i̱ na se ishô sha mrumun u sha mhôôn Na, se̱ hingir mbayandyako sha ishimaveren keghen uma u tsôron la.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

1 Peteru 3:1

Nahan yô, ne kasev di kpaa ungwan nen imo i noov enev sha er aluer mbagenev ken ve, vea lu mbawan kwaghôron u Aôndo iko ga je kpa, á urugh ve sha mlu u kasev vev la, á kera lu sha kwaghôron kpee ga,