1 Peteru 3:5 - ICIGHAN BIBILO

⁵ Gadia kape uicighanmbaukase mba tsuaa mba ishimaverenkeghen ve i lu sha Aôndo la kpaa, ve eren hwe je la, ve ungwan imo i noov vev.

1 Peteru 3:5 Iomraidhean Croise

Anzaakaa 31:10

Ka an nana fatyô u zuan a kwase u injaa? Gadia nan hemba asa a mimi inja.

Anzaakaa 31:30

Kumashe ka icugh, dooashe ka gbilinkwagh, kwase u cian TER yô, ka nan á wuese nan ye.

Yeremia 49:11

Undu ancôgholov ou, Me kura ve ve̱ lu uma; kasev mba côgholov ou kpaa, ve̱ suur sha a Mo.

Luka 2:37

gema lu kwasecôghol, anyom a na cii yô, lu akunduanyiin kar anyiin, undun tempel ga, civir Aôndo sha kwaghyan u hôron man msen u eren tugh man tetan.

Aerenakaa A Mbaapostoli 1:14

Mban cii zua ishima i môm sha msen u eren kua kasev mbagenev man Maria, ngô u Yesu man angôôv Nav kpaa.

Aerenakaa A Mbaapostoli 9:36

Orhenen ugen u kwase lu ken Yopa, iti na er Tabita, inja na yô, er Dorka. Kwase la lu a aeren a dedoo kpishi, man iwua i nan kpaa.

Mbaefese 5:33

Nahan ne kpaa, hanma or kwase u nan a̱ doo nan ishima er iyol i nan nahan, kwase kpaa, a̱ cia nom u nan.

1 Timoteu 2:10

kpa i̱ lu sha aeren a dedoo er i kom u kasev mba ve kaa er ve mba cian Aôndo mimi vea er yô.

1 Timoteu 2:15

Kpa una war sha ônov mba maren aluer una tile ken jighjigh u nan man dooshima man mtsegh man u eren kwagh sha kwaghfan yô.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

1 Timoteu 5:5

U nan lu kwasecôghol mimi nan kera lu a or ga yô, nan ver ishima sha Aôndo, nan taver ishima sha mzamber man msen u eren tugh man atetan.

Mbaheberu 11:11

Ka sha jighjigh u nan man Sara iyol na kpaa a ngohol agee a jilen iyol ye, shin er shighe na kar nahan je kpaa, gadia a fa ken ishima er Un u A tende zwa la A lu u jighjigh yô.

1 Peteru 1:3

I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Samuel 2:1

Nahan Hana er msen kaa er: Ishima yam ngi ember ken TER; i kende korough agh sha ken TER. Zwa wam aver sha mbaihomov av gbangeraa, gadia m ngu ember myem u U yemen yô.