1 Peteru 3:21 - ICIGHAN BIBILO

²¹ Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Peteru 3:21 Iomraidhean Croise

Sekaria 13:1

Sha iyange la imbormnger i lun ivegher ia lu sha ci u ya u Davidi man mbateman ken Yerusalem, sha ci u isholibo man mlu u wang ga.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 16:16

U nana na jighjigh man á er nan batisema yô, á yima nan. Kpa u nana na jighjigh ga yô, á ôr nan ijir á na nan ibo.

YOHANE 13:9

Shimon Peteru kaa a Na er: Yô Tere, ka angahar am tseegh ga, kpa ka ave man ityough kpaa.

Aerenakaa A Mbaapostoli 16:33

Hen ihwa i utu la je a kua a ve a ôô ve avav maa i er un batisema kua mba ve lu mba nav cii.

Aerenakaa A Mbaapostoli 2:38

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Aerenakaa A Mbaapostoli 22:16

Man hegen yô, ka nyi u timbiri? Mough sha, i̱ er u batisema, i̱ ôô u asorabo a ou kera, i̱ yila sha iti Na.

Aerenakaa A Mbaapostoli 8:36

Tsô mba ngur yemen sha gbenda yô, ve za ar hen mnger. Or u eren tom ken ya u tor la kaa er: Mngerem kpaa man, man ka nyi je i yange u eren mo batisema? [

Aerenakaa A Mbaapostoli 8:37

Filibu kaa er: Aluer u na jighjigh a ishima i môm yô, á fatyô. A gema a kaa er: M na jighjigh er Yesu Kristu ka Wan u Aôndo je.]

Mbaromanu 5:14

Nahan kpaa ku tema tor hii sha Adam zan zan ar sha Mose, kua sha mba ve er isholibo sha inja i mper i Adam per tindi la ga kpaa; un yô, gema lu ikav i tesen sha Un u Una va la.

1 Mbakorinte 12:13

Gadia se cii kpaa, ka sha Jijingi môm i er se batisema ken iyol i môm ye, shin a lu Mbayuda, shin a lu Mbagrika, shin a lu ikpan shin a lu ônov kpaa, se cii i haa se Jijingi môm, heen se iyol cii.

1 Mbakorinte 4:6

Akaa ne yô, anmgbianev, m gema a m zua sha iyol yam kua Apolo kpaa; ka sha ci wen sha u ne̱ zua a ityesen hen a vese er, i̱ de karen akaa a i nger la ken inya ga yô, sha er ma or nana̱ de gengese iyol a ma or sha kwagh u orgen la ga.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Mbagalatia 3:27

Gadia mba i er ve batisema ken Kristu cii, ve haa Kristu iyol je ve.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

Mbakolose 2:12

gadia i ii ne a Na imôngo ken batisema. Ka sha mi kpaa man i nder ne a Na imôngo sha ci u ne ne agee a Aôndo u A nder Un shin ku la jighjigh yô.

1 Timoteu 1:5

Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

1 Timoteu 6:12

Nôngo ityav mbi dedoo mbi jighjigh u nan la, naregh kôr uma u tsôron u i yila u sha mi la gbang, u u pase mpase u dedoo sha mi sha ishigh ki mbashiada kpishi la.

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Mbaheberu 11:19

A fa ken ishima er Aôndo ngu a agee a nderen un shin mbakpenev je kpaa; ka shimi je man a shi a zua a na er ka ikav i tesen nahan kpaa ye.

Mbaheberu 13:18

Eren nen msen sha ci wase, gadia se fa dedoo ser, se mba a imo i dedoo ken ishima, sar se u zenden tsembelee sha akaa cii.

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

Mbaheberu 9:24

Gadia Kristu kera nyôr ken icighanjiir u i er sha ave a ior ga, u a lu eev mbu u mimi la kpaa ga, kpa lu Sha jim jim, sha u Una ande sha ishigh ki Aôndo sha ci wase,

1 Peteru 1:3

I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Peteru 3:16

Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la.