1 Peteru 3:17 - ICIGHAN BIBILO

¹⁷ Gadia aluer ka ishima i Aôndo u ú ya ican sha shighe u u eren kwagh u dedoo yô, hemba doon a u ú ya ican sha shighe u u eren ifer la.

1 Peteru 3:17 Iomraidhean Croise

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Aerenakaa A Mbaapostoli 18:21

a lôhô ve ayem a kaa er: Aluer Aôndo Una rumun yô, me shi me hide her a ven. Tsô a nyôr tso hen Efese.

Aerenakaa A Mbaapostoli 21:14

Kera ongo imo yase ga yô, se de, se gba kaan ser: I̱ gba eren sha ishima i Ter tsô.

1 Peteru 1:6

Sha kwagh ne yô, ne mba ember kpishi shin er hegen, aluer a gba nahan yô, ameen atô kposo kposo nga vihin ne asema sha anyangem kpeghee.

1 Peteru 2:15

Gadia ishima i Aôndo yô, kape i lu ne, ka u né eren dedoo man né cir abumeaior zwa sha lanegh vegh ye.

1 Peteru 2:20

Gadia aluer ne er isholibo man á gbidye ne man né wa ishima yô, iwuese ngi hana? Kpa aluer ne mba eren sha mi man né gema né ya ican kpa né wa ishima yô, ka kwagh u doon hen Aôndo je la.

1 Peteru 3:14

Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga.

1 Peteru 4:15

Kpa mô wen nana̱ de yaan ican er ka orwuanor shin ormbaiv, shin or u eren ifer shin or u amber sha akaa nahan ga.

1 Peteru 4:19

Nahan yô, mba ve ye ican sha ishima i Aôndo la, ve̱ wa ayol a ve sha ikev i Ujighjigh u A gbe akaa cii la, ve̱ eren akaa a dedoo.