1 Peteru 3:14 - ICIGHAN BIBILO

¹⁴ Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga.

1 Peteru 3:14 Iomraidhean Croise

Anzaakaa 3:25

De cie kwagh u cieryol u á va bur a bur la ga, kua mtim u mbaaferev shighe u una va yô,

Yesaia 51:12

Ka Mo, M surun ne ishima ye! Ka nyi man we u cie or u nana va kpe man wan u or u á gema nan á hingir er toho kpaa yôô?

Yeremia 1:8

De cie ve ga; gadia M ngu a we sha u yiman we, kape TER A kaa ne.

Yeremia 15:15

TERE, We U fa, umbur mo, va sôrom, orom iyev sha mba ve tevem a ican la; sha ishima You i wan la, de karen a mo kera ga; fa, ka sha ci Wou i heem ye.

Esekiel 3:9

M taver ityough you er daimondi nahan, taver hemba vande kpaa; de cie ve ga, man ishima i̱ de nyian we sha mdugh u ve dughun we ashe ga, shin er ve lu ya u hendan kwagh nahan je kpaa.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Mateu 10:31

Nahan yô, de cie nen ga; mbaatsator kpishi kpaa ne hemba ve.

Mateu 10:39

U nan zough a uma u nan yô, una saa nan a saa; man or u uma u nan a saa sha ci Wam yô, nana zua a zua a mi.

Mateu 16:25

Gadia hanma or u i sar nan pe yiman uma u nan yô, una saa nan a saa, kpa hanmô u uma u nan una saa nan sha ci Wam yô, nana zua a zua a mi je.

Mateu 19:29

Man shi hanmô u nan undu uya shin anmgbianev mba nomso, shin mba kasev, shin ter, shin ngô, shin ônov, shin ishule sha ci u iti Yam yô, nana shi á zua a mi kwa akunduatar shi nana zua a uma u tsôron kpaa.

Marku 10:29

Yesu gema kaa er: Mimi je, M kaan ne ne, or ngu u nana undu ya, shin anmgbianev mba nomso, shin anmgbianev mba kasev, shin ngô, shin ter, shin ônov, shin ishule sha ci Wam man Loho u Dedoo ne,

Marku 8:35

Gadia hanma or u i sar nan ka yiman uma u nan yô, una saa nan a saa; kpa hanmô u uma u nan una saa nan sha ci Wam man Loho u Dedoo ne yô, nana yima un a yima je.

YOHANE 14:1

Asema a̱ de kera te ne kwe ga; na nen Aôndo jighjigh, Mo kpaa nam nen jighjigh.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

Aerenakaa A Mbaapostoli 9:16

Gadia Me tese un atsan a ngeen yum a una ya a sha ci u iti Yam keng la.

2 Mbakorinte 12:10

Nahan yô m rumun isheer sha ci u Kristu kua aheen kpaa, man akaatseren man mbamtev mba sha atsan man atsan a eren kpaa, gadia ka shighe u m lu isheer la je m gem m taver ye.

Mbafilipi 1:29

Ne yô, i rumun ne sha mhôôn er sha kwagh u Kristu yô, ka jighjigh tseegh né na Un ga, kpa né ya ican sha ci Na kpaa,

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

Yakobu 5:11

Mba ve taver ishima yô, ka se yila ve ser, mba i saan ve iyol. Ne ungwa er Yobu a taver ishima yô, man shi ne nenge mkur u Ter kure kwagh na yô, mhôônom ma ker Ter man shi zungu mhôônom kpaa.

1 Peteru 3:6

Kape Sara kpaa lu ungwan imo i Aberaham la, je a yila un er ter; man ne hingir ônov nav aluer ne eren doo doo man ne rumun er ma kwagh a̱ de te ne mciem iyol ga yô.