1 Peteru 3:11 - ICIGHAN BIBILO

¹¹ nana̱ nyagh ifer nana̱ gema nana̱ er kwagh u dedoo, nana̱ ker bem nana̱ zenda un ityô kpaa.

1 Peteru 3:11 Iomraidhean Croise

Yobu 1:1

Ngise orgen lu ken tar u Ushi, iti i nan er Yobu; or la lu or u mimi, u perapera, u cian Aôndo, paregh kwaghbo.

Yobu 2:3

Nahan TER pine Satan er: U fa kwagh u wanakiriki Wam Yobu dedoo kpa? Gadia ma or kuma sha a na shin tar ga, ka or u mimi, u perapera, u cian Aôndo, palegh kwaghbo; man shi a kusu mimi na taveraa shin er u va vemben Mo wer, M̱ kôr un ihom, M̱ tim un sha ityôikaa ga, nahan kpaa.

Yobu 28:28

kpa or yô, A kaa a nan er: Nenge, mcie u cian TER, ka kwaghfan je la, man u paven a iferkwagh ka mkav.

Upasalmi 125:4

TERE, er dedoo a mbadedoo, kua mba asema a ve a lu jighilii yô.

Upasalmi 34:14

De ifer, eren akaa a dedoo, ker bem, zenda un ityô kpaa.

Upasalmi 37:27

De ifer, eren akaadedoo, nahan ú lu gbem sha won.

Anzaakaa 16:17

Igbudu u mbaperapera yô, ka u paven a ifer; u nan kor zende u nan yô, ka uma u nan nan kor ye.

Anzaakaa 16:6

Ka sha mhôônom ma zungwen kua mimi i wanger afer kera ye, ka sha mcie u cian TER kpaa, ior ve undun kwaghbo ye.

Anzaakaa 3:7

De nengen iyol you wer, u ngu orfankwagh ga, cia TER, pav a ifer kpaa;

Mateu 5:45

sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.

Mateu 5:9

Saan mba ve ker num la iyol, gadia á yila ve er, ônov mba Aôndo.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Marku 14:7

Gadia ne mba a mbaatsanev a ven imôngo gbem, hanma shighe u i sar ne cii kpaa ne fatyô u eren a ve dedoo; kpa Mo yô, né lu a Mo gbem ga.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

Luka 6:9

Nahan Yesu kaa a ve er: Pinen Yam ne kwagh, i rumun u eren kwagh u dedoo sha iyange i memen, shin i̱ er ifere, i̱ yima a yima or shin i̱ wua a wua oro?

YOHANE 17:15

M ngu eren msen Mer: Kura ve shin tar ne kera ga, kpa M ngu sônon Mer kura ve sha ifer.

Mbaromanu 12:18

Aluer a fatyô yô, lu nen bem a ior cii ape kwagh wen a lu sha mi la.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbaromanu 14:19

Nahan yô, se keren nen kwagh u nan bem man shi kwagh u se maan a maa ayol a ase sha mi.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbaromanu 7:19

Gadia ka kwagh u doon u a saren mo la, m eren ga, kpa ka kwagh u bo u a sarem ga la je m gem m eren ye.

Mbaromanu 7:21

Nahan m mase zuan a tindi ne ken a mo: Ka a saren mo u eren kwagh u dedoo yô, kwaghbo kpaa a lu a mo her.

Mbaromanu 8:6

Ishimaveren i iyolough yô, ka ku, kpa ishimaveren i jijingi ka uma man bem.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbagalatia 6:10

Nahan er se lu a ian yô, se eren nen akaa a doon a ior cii, kpa jim je yô, ka mbananjighjigh.

Mbakolose 3:15

Man bem u Kristu a̱ lu orhemen ken asema a en gadia ka sha ci u kwagh ne man i yila ne ken iyol i môm ye. Shi lu nen a ishughun.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.

Mbaheberu 13:16

Kpa u eren dedoo man shi u panden karen ior a̱ de hungul ne ga gadia anza a iniav mbin ne doo Aôndo.

Yakobu 4:17

Nahan yô, or u nan fe u eren dedoo kpa nan kera er nahan ga yô, hingir isholibo je nan er ye.

1 Peteru 3:12

Gadia ashe a Ter yô, nga sha mbaperapera shi veren ato sha zamber ve kpaa. Kpa Ter gem tsuhur ishigh sha mba ve eren ifer yô.

3 Yohane 1:11

Orwam u doon mo ishima, de ze a kwaghbo ityô ga, saa kwagh u doon; or u nan eren kwagh u dedoo yô, ka ken Aôndo nan dugh ye; u nan eren kwagh u bo yô, nan ngu a nenge a Aôndo ga.

Mbaajiriv 11:14

Tsô Yefeta shi tindi mbatyomov hen tor u Mbaamon;