1 Peteru 2:9 - ICIGHAN BIBILO

⁹ Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Peteru 2:9 Iomraidhean Croise

Upasalmi 106:5

sha er me nenge mkpeyol u uicuwan Ou, sha er me ember a nongo Wou ken msaanyol ve la, man me ta ihagh a dyako Wou imôngo yô.

Upasalmi 118:27

TER ka Aôndo, A na se iwanger kpaa. Kange nen nagh sha ikor je, za nen a mi hen akor a atse a nanden nagh sha mi la.

Upasalmi 135:4

Gadia TER tsuwa Yakob sha ci Na iyol Na je, Iserael hingir kwagh Na jim.

Upasalmi 22:30

Tsombor u ken hemen ua civir Un; á va ôr kov u ken hemen kwagh u Ter.

Upasalmi 33:12

Saan ior mba TER A lu Aôndo ve yô, iyol, ikurior i A tsough i sha u i̱ lu dyako Na la.

Upasalmi 73:15

Aluer mea kaa mer: Kape me kaa ne yô, ma m er vough a kov u ônov ou ga.

Yesaia 26:2

Bugh nen ihinda, ikurior i perapera i lun a jighjigh, i̱ nyôr.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 44:1

Kpa hegen yô, ungwa, we wanakiriki Wam Yakob, man Iserael kpaa u M tsough la.

Yesaia 61:6

Kpa ne yô, á yila ne er upristi mba TER; á yila ne er, mbatomov mba Aôndo wase, nea ya akaa a injaa a akuraior, man nea ta ihagh sha icivir ve la kpaa.

Yesaia 62:12

Á yila ve er, uicighanmbaiorov, Mbaipaave mba TER; man á yila u kpaa er, Asarior man Gar u i te un kera ga yô.

Yesaia 66:21

Uvev mbagenev Me ver upristi man Mbalevi, kape TER A kaa la.

Yesaia 9:2

Ior mba ve zenden ken ime, ve nenge iwanger i vesen; mba ve tem ken tar u mure u kuugh la kpaa, iwanger ta sha a ve.

Malaki 3:17

Vea hingir kwagh Wam jim je, kape TER u akum a Sha A kaa ne, sha iyange i Me er i la; Me er a ve dedoo er or ka nan er a wan u nan u a shir nan tom dedoo nahan.

Mateu 4:16

Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

YOHANE 17:19

Man ka sha ci ve je M lu tseghan iyol Yam ye, sha er ve kpaa i̱ tsegha ve ken mimi yô.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Aerenakaa A Mbaapostoli 26:28

Agripa gema kaa a Paulu er: Sha ankwaghôron wou u kpuaa ne tsô, ka u ka geman mo, m̱ hingir Orkristu!

Mbaromanu 9:24

Ka se mba A yer se je la, ka ken Mbayuda tseegh ga, ka ken atôatyev kpaa.

1 Mbakorinte 3:17

Aluer anti or nana vihi tempel u Aôndo yô, Aôndo Una vihi nan, gadia tempel u Aôndo ka icighan je, man ka ne ne lu tempel la ye.

Mbaefese 1:14

Ka Un man A lu ibumun u dyako wase er Una paa ior mba ve lu kwagh Na jim sha ci u icivir i iengem Na ye.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Mbaefese 3:21

Icivir i̱ lu i Na ken nongo u Kristu man ken Kristu Yesu sha ikov ikov gbem sha won.

Duteronomi 10:15

Gema ka uter ou, TER A pende ishima sha ve ye, ve doo Un ishima; ken akuraior cii, ka tsombor ve ken ijime ve A tsuwa u ye, ka ne je ne, er i lu nyian nahan.

Duteronomi 14:2

Gadia u ngu TER, Aôndo Wou, icighanikurior je; ken akuraior sha won cii, ka we, TER A tsough u, u hingir ikurior Na jim ye.

Duteronomi 18:2

Una zua a ma dyako ken anmgbianev nav ga; ka TER A lu dyako na ye, er A kaa un nahan.

Duteronomi 4:20

Ne yô, TER kua a ven due a ven ken usu u ken adum kera, ka ken Igipiti je la, sha u ne̱ hingir Un ikurior i dyako, er i lu nyian nahan.

Duteronomi 7:6

Gadia we u ngu TER, Aôndo wou, icighannongo je; TER, Aôndo wou, tsuwa u ken akuraior a a lu sha won cii, er u̱ lu nongo Na jim.

Mbafilipi 3:14

M ngu yevese zan hen ikighir i i ver la sha u zuan a iwua i myila u a sen sha, u Aôndo A lu yilan ken Kristu Yesu la.

Mbakolose 1:13

A yima se A due a vese ken tahav mbu imev kera A nyôr a vese ken tartor u Wan Na u doon ishima.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:9

u A yima se shi A yila se sha icighanmyer la, lu sha ci u aeren a ase ga kpa lu sha awashima Na iyol Na man shi sha mrumun u sha mhôôn Na u i ne se ken Kristu Yesu je er shighe lu a lu ga la.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

Mpase U Yohane 1:6

man A gema se er se̱ hingir tartor, se̱ hingir upristi sha ci u Aôndo Na man Ter Na her kpaa. Un yô, iengem i̱ lu i Na kua tahav kpaa gbem sha won. Amen.

Mpase U Yohane 20:6

Or u nan lu a ci sha mnder u hiihii ne yô, saan nan iyol, nan ngu icighanor kpaa. Mban yô, ku u sha uhar la ngu a tahav sha a ve ga, vea gema vea lu upristi mba Aôndo man mba Kristu kpaa, vea tema tor a na imôngo sha anyom dubu la.

Mpase U Yohane 5:10

U er ve, ve hingir tartor man upristi sha ci u Aôndo wase, vea tema tor sha tar.

1 Samuel 12:22

Gadia TER Una gbihi ior Nav kera ga, sha ci u iti Na i vesen la; gadia doo TER u geman ne er ne̱ hingir ikurior Na iyol Na je.