1 Peteru 2:8 - ICIGHAN BIBILO

⁸ man shi: Ka iwen i keman nguhar sha mi man vande u nôngon gbev sha mi. Ka ve mba ve nôngo gbev sha ci u ve we kwaghôron u Aôndo iko ga la, man ka sha kwagh la je i vande veren ve kpaa ye.

1 Peteru 2:8 Iomraidhean Croise

Yobu 23:14

Gadia Una er kwagh u i verem la; ambaakaa ne nahan nga Un ken ishima kpishi.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Yesaia 37:26

U ungwa er M vande eren akaa la tsuaa, man M ver a ngise je kpaa, gaa? Hegen yô, M kure a sha mi vough, ka nahan man u tim agar a lun a ugir, u gema a, a hingir atihi alôgh ye.

Yesaia 57:14

A kaa er: Haa nen inya guree, haa nen inya guree, sôr nen gbenda, tôô nen ityôkwagh i nan gbev mbu nôngon sha gbenda u ior Av kera.

Yesaia 8:14

Tsô Una hingir icighanjiir man iwen i keman angahar sha mi, man vande u nôngon gbev sha mi, hen uya mba Iserael uhar cii, man shi kper man kwaghhônon kpaa sha ci u mba ve tem ken Yerusalem.

Luka 2:34

Tsô Shimeon ver ve doo doo, shi a kaa a ngô Na, Maria, er: Wan ne yô, i ver Un sha ci u mgbe man mmough u ior kpishi ken Iserael, man shi sha ci u ikav i á nyiman i yô

Mbaromanu 9:22

Aluer Aôndo soo u tesen iyugh Na man shi u pasen agee a Na, kpa A lu wan ishima tsung a ikav mbi iyughuv mbi i ver mbi sha ci u mtim la yô,

1 Mbakorinte 1:23

Kpa se yô, se mba pasen kwagh u Kristu u i mande Un sha terankon; Mbayuda yô, ka kwagh u nan ve gbev mbu nôngon je, man atôatyev yô, gema ka ve ibumekwagh je.

2 Mbakorinte 2:16

Mbagenev yô, ka ve ihuma i kuugh i zan ken ku. Mbagenev di yô, ka ve ihuma i uma i zan ken uma. Ka an je nan kom sha akaa nee?

Mbagalatia 5:11

Mo yô, anmgbianev, aluer mea lu yôôn kwagh u icôngo heregh yô, ka nyi man shi i lu tôvon mo a icana? A lu nahan yô, kwagh u nan anzughul sha terankon yum la, ma a kera lu ga.

1 Mbatesalonika 5:9

Gadia Aôndo ver se, lu sha ci u iyugh ga, kpa lu sha ci u zuan a myom ken Ter wase Yesu Kristu.

1 Peteru 2:6

Gadia i nger ken icighanruamabera er: Nenge, m ngu veren icuwaniwen i injaa i sha zongo ken Shion. Or u nan ne Un jighjigh yô, nana va ahenge ga.

1 Peteru 2:7

Kape A lu a inja her a ven ne, ne mba ne ne jighjigh ne. Kpa hen mbanan jighjigh ga yô, kwaghôron ugen ngu er: Iwen i mbamaan ve vende i la, ka i je i hingir i sha zongo ye,

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.