1 Peteru 2:25 - ICIGHAN BIBILO

²⁵ Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.

1 Peteru 2:25 Iomraidhean Croise

Upasalmi 119:176

M tsume er iyôngo i i saa yô, ker wanakiriki Wou, gadia atindi a Ou hungul mo ga.

Upasalmi 80:1

We, Orkuran u Iserael, ver ato, We u U hemen Yosev er ikumuile nahan; We u U tem sha ucerubi, mondo er iwanger nahan.

Yesaia 13:14

Tsô er ashim u i zende un ijime man er iyôngo i i lu a or u kumban i ga yô, kape hanma or kpaa, nana gema á yem hen ityô i nan la, man hanma or kpaa, nana yevese nana yem hen tar u nan.

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 53:5

Kpa i kuma Un sha ci u akaabo ase, i vihi Un iyol sha ci u aferakaa a ase; mtsaha u van se a bem la, gema lu sha a Na; ka sha igbidiv Nav man i wanger se ye.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yeremia 23:2

Nahan yô, TER, Aôndo u Iserael ngu kaan sha kwagh u mbakuranilev mba ve koson ior Av ne, nahan er: Ne gema ne sambe ikumuile Yam, ne zenda i kera, ne kera nenge sha i ga; nenge Me va tsaha ne sha ifer i aeren a en la, kape TER A kaa ne.

Esekiel 34:6

Iyôngo Yam lu zenden kughukuku sha iwo cii, man sha hanma igungu u taven; een, i sambe iyôngo Yam sha tar wuee, man ma or u keren shin u tôvon i lu ga.

Esekiel 37:24

Wanakiriki Wan Davidi una tema tor sha a ve; ve cii vea lu a orkuran môm; vea zenden ken akaaôron a Am a jirigh, vea waan akaawan a Am iko man vea eren sha mi kpaa.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 18:12

Ne mba henen nana? Aluer or nana lu a iyôngo akunduataan man u môm ken i ia tsume yô, nana kera undu i akunduanyiingber kar itiankarinyiin la sha iwo, nana yem nana za ker i i tsum la gaa?

Mateu 9:36

Man er A nenge a ikpelaior yô, mhôônom kôr Un a ve tsung, sha ci u i tumbul a ve, ve sambe wuee er iyôngo i i lu a orkuran i ga nahan.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 3:1

Nahan yô, ne uicighananmgbianev mba ne lu a kwar sha myer u a dugh Sha, u i yila ne la, ver nen ishima sha Apostoli man Zegepristi u se pase kwagh Na sha mpase u jighjigh wase u nan la cii, ka Yesu je la,

Mbaheberu 5:2

A fatyô u wan ishima a mbalanenkwagh man mbatsumen gadia un iyol na kpaa, isheer kase un.

1 Peteru 3:20

Ka ve mba ngise ve lu hemban ato zum u Aôndo lu wan ishima sha ayange a Noa zum u i lu gban tsô la, ka ker man ior kpeghee, ka uuma mba iorov anigheni tsô ve war sha mnger ye.

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.