1 Peteru 2:2 - ICIGHAN BIBILO

² man atumba a man a mimi a sha kwaghôron u Aôndo la a̱ sar ne tsung er anikundanev mba forototo nahan, sha er né vese sha mi u zan ken myom yô,

1 Peteru 2:2 Iomraidhean Croise

2 Samuel 23:5

Kape ya wam a lu hen Aôndo je la gaa? Gadia A ya ikur i tsôron a mo, i i vande sôron i vighe vighe, man ka i bunden ga kpaa; gadia myom wam cii kua isharen yam cii, Una er er vea vese gaa?

Yobu 17:9

Kpa orperapera nana taver ishima sha gbenda u nan, u nan lu ave wang kpaa, nana seer taver a taver.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Hosea 14:5

Me hingir hen Iserael er avure nahan; una mondo er ityombo nahan, una ta amise a na er Lebanon nahan.

Hosea 14:7

Mba ve tem shin mure na vea shi vea lôô alakema, vea kpar er kon u wain nahan; man iwuese i á wuese un ia lu er i wain u Lebanon nahan.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Mateu 18:3

A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga.

Mateu 19:14

Kpa Yesu kaa er: De nen mbayev mba kiriki, de kera yangen nen ve u van her a Mo ga, gadia ka anza a mban ne je tartor u Sha u lu u ve ye.

Marku 10:15

Mimi je, M kaan ne ne, hanma or u nana rumun tartor u Aôndo er wanye u kiriki nahan ga yô, mayange je nana nyôr ker ga.

Luka 18:17

Mimi je M kaan ne ne, hanma or u nana rumun tartor u Aôndo er wanye u kiriki nahan ga yô, nana nyôr ker mayange ga.

Mbaromanu 6:4

Nahan i ii se a Na imôngo sha batisema u ken ku la sha u er i nder Kristu ken mbakpenev sha iengem i Ter yô, kape se kpaa se zenden ken uma u he je la.

1 Mbakorinte 14:20

Anmgbianev av, de kera luun nen yev yev sha mhen wen ga; sha gbenda u kwaghbo yô, lu nen anikundanev, kpa sha mhen yô, lu nen mbavesen.

Mbaefese 2:21

Ka ken a Na man kwaghmaan la a zough a lu taven sha, hingir icighantempel u Ter ye.

Mbaefese 4:15

Kpa er se luun ken mimi sha dooshima yô, sé vesen sha akaa cii ken Un u A lu ityough, ka Kristu je la.

2 Timoteu 1:3

Ka u sé sugh Aôndo ayange ayange sha ci wen, anmgbianev, er i doo u eren yô, gadia jighjigh wen u nan ngu seer je zua iyol ga, man dooshima u hanmô wen hen ayol a en kpaa ngu ngeen je,

1 Peteru 1:23

Gadia i mar ne hegh lu sha vor u hôôn la ga, kpa lu sha u hôôn ga la, lu sha mkaanem ma Aôndo ma ma lu uma man ma lu ma tsôron kpaa.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.