1 Peteru 2:17 - ICIGHAN BIBILO

¹⁷ Waan nen ior cii iko, anmgbianev ve̱ doo ne ishima, cian nen Aôndo, waan nen tor iko.

1 Peteru 2:17 Iomraidhean Croise

Genese 20:11

Aberaham kaa er: M hen mer, mayange mba cie Aôndo hen ijiir ne ga; yô, vea va wuam sha ci u kwase wam.

Genese 22:12

A kaa er: De ze uwegh ough sha wanakiriki ga, shi de eren un ma kwagh kpaa ga; gadia hegen yô, M fa u ngu or u cian Aôndo sha er u nyumum wan wou u môm môm kpaa ga yô.

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

1 Kroniku 29:20

Tsô Davidi kaa a ior cii er: Yô, wuese nen TER, Aôndo wen. Tsô ior cii wuese TER, Aôndo u uter vev, ve wa ityough inya, ve gure ve civir Aôndo, ve civir tor kpaa.

Upasalmi 111:10

Mcie u cian Aôndo ka mhii u kwaghfan je la, mbaeren sha mi cii yô, mba a mkav u dedoo; iwuese Na ngi gbem sha won.

Ekesodu 20:12

Civir teru man ngôu, er á seer we ayange ken tar u TER, Aôndo wou, A lu nan we yô.

Anzaakaa 1:7

Mcie u cian TER, ka mhii u kwaghfan je la, kpa mbalanenkwagh yô, ve laha kwaghfan kua ityesen.

Anzaakaa 23:17

Ishima you i̱ de tem kwagh u ior mba bov ga, kpa lu ken mcie u cian TER iyange jimin cii.

Anzaakaa 24:21

Wan wam, cia TER kua tor kpaa; de nyer nongo a ior mba moughon ayongo ga,

Orpasenkwagh 8:2

M kaa mer: wa tindi u tor iko sha ci u mbum u i bum Aôndo la yô.

Levitiku 19:32

Mough tile sha, sha ishigh ki or u menden ivu, civir ishigh ki tamenor, cian Aôndo wou; ka Mo TER.

Sekaria 11:14

Tsô shi m kever gbough kugenegh kura, ka Mzough je la, m pav Yuda man Iserael mer ve̱ de kera luun anmgbianev ga.

Mateu 22:21

Ve kaa a Na er: Ka u Shisar je. Tsô A kaa a ve er: Na nen Shisar akaa a a lu a Shisar yô, Aôndo kpaa na nen Un akaa a a lu a Aôndo yô.

YOHANE 13:35

Ka sha kwagh ne man ior cii vea kav er ne lu mbahenen Av ye, aluer ne doo ayol a en yô.

Mbaromanu 12:10

Doo nen ayol a en tsung sha dooshima, hemen nen sha u nan ior icivir.

Mbaromanu 13:7

Kimbi nen hanma or kwagh u a lu u á kimbi nan la, orngohol kpandegh yô, i̱ ta nan kpandegh, or u saven kpaa i̱ rumun nan u saven, or u i lu u á cia nan kpaa, i̱ cia nan, or u i lu u á civir nan kpaa i̱ civir nan je.

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Mbaefese 5:21

Ungwan nen ayol a en sha ci u cian Kristu.

Mbafilipi 2:3

De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.

1 Timoteu 6:1

Mba ve lu ikpan, i te ve igbur cii yô, ve̱ nengen uter vev er ve kom hanma ikoiwan cii, sha u i̱ de teren iti i Aôndo man ityesen Na sha dang ga yô.

Mbaheberu 13:1

Dooshima u anmgbianev ve doo ayol a ve la a̱ lu her.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 2:13

Waan nen hanma tindi u ior ve we la iko sha ci u Ter—shin a lu tor u a hembe cii,

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

1 Samuel 15:30

Tsô a kaa er: M er kwaghbo; nahan kpaa shi civir mo sha ishigh ki mbatamen mba ior av kua sha ishigh ki Iserael kpaa, gema hide a mo sha er me za sôn TER, Aôndo wou, yô.