1 Peteru 2:12 - ICIGHAN BIBILO

¹² Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 2:12 Iomraidhean Croise

Upasalmi 37:14

Mbaaferev tsuwa sanker, ve henda mbaada vev, sha u vea gbihi icanor man oribanave inya, vea wua mba ve zenden jighilii yô.

Upasalmi 50:23

Hanma or u nan ne nagh ku ishughun yô, nan ngu civir Mo; or u nan ser gbenda u nan yô, Me tese nan myom u Aôndo. Ngun ka sha ci u orhemen u mbawanatsam. Ka Pasalmi u Davidi a dugh, zum u profeti Natan va her a na er a vande eren kwaghbo a Batesheba kera la

Yesaia 10:3

Né er nan sha iyange i oron iyeve, man sha mtim u una due ca laa? Ka an je né za gba nan ikumu? Man ka han né undu inyaregh yeneghe?

Daniel 6:4

Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Mateu 10:25

Orhenen nana hingir er ortesen u nan nahan yô, kuma; man wanakiriki kpaa nana hingir er ter u nan nahan yô, kuma. Aluer i yila orya er, Belesebu yô, man hire mba ken ya naa?

Mateu 5:11

Saan ne iyol zum u ka a heen ne, a tôvon ne a ican, man a teren ne sha hanma inja i ifer sha aie, sha ci Wam yô,

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Mateu 9:8

Er ikpelaior nenge nahan yô, cier i iyol, i gba civir Aôndo u A ne ior imbautaha ne nahan yô.

Luka 1:68

I̱ wuese Ter Aôndo u Iserael; gadia A va sôr nongo Na, A paa u kpaa.

Luka 19:44

Vea kôr u vea ta inya a ônov ou keregh; iwen i môm tsô kpaa vea undu sha igen ken a we ga; sha ci u u kav shighe u Aôndo A ve sha u va sôron we ne ga.

Luka 6:22

Saan ne iyol zum u ior ka vea kôr ne ihom, man vea dughun ne kera, vea hee ne kpaa, man shi vea teren iti yen dang, sha ci u Wan u ôr yô.

YOHANE 13:31

Tsô er a due kera yô, Yesu kaa er: Hegen je i na Wan u or icivir, i shi i na Aôndo icivir ker a Na kpaa.

Aerenakaa A Mbaapostoli 15:14

Shimon pase er Aôndo lu vande sôron atôatyev sha u Una dugh nongo ken a ve sha ci u iti Na yô.

Aerenakaa A Mbaapostoli 24:13

man shi mayange vea fatyô u eren shiada sha akaa a ve yerem ijir sha mi hegen ne kpaa ga.

Aerenakaa A Mbaapostoli 25:7

Mba ve a na yô, Mbayuda mba ve va sha Yerusalem la, kase un, ve ôr atôakaa kpishi man a vihin tsung sha a na, a ve fatyô u tesen mimi u a ga yô.

Aerenakaa A Mbaapostoli 28:22

Kpa sar se ka ungwan mnenge wou; gadia sha kwagh u annongo ne yô, ngu ken igbar je hen a vese, han han kpaa mba teren un dang.

Mbaromanu 12:17

De oron iyev i ifer sha ifer ga. Ver nen ishima u eren akaa a dedoo sha ishigh ki ior cii.

Mbaromanu 13:13

Se zenden nen sha inja, i̱ lu sha inja i atetan, i̱ de lu sha iniongo i msôr shin msôrom ma hunden ga, i̱ de lu sha idya shin ijimba i eren ga, i̱ de lu sha iyongo shin iwuhe i eren kpaa ga.

Mbaromanu 14:18

Or u nan eren Kristu tom sha gbenda ne yô, á doo Aôndo a nan, ior kpaa vea rumun nan.

Mbaromanu 15:9

sha u atôatyev a̱ civir Aôndo sha ci u mhôônom nam. Kape i nger kpaa la er: Ka nahan man me wuese we ken atôatyev, Me wa icam i civir iti You kpaa ye.

1 Mbakorinte 14:25

akaa a myer a ken ishima i nan aa hingir ken igbar, nana kuma ishigh inya nana wuese Aôndo, nana pase er, mimi je Aôndo ngu ken a ven.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 13:7

Se mba sônon Aôndo ser, ma ne er ma kwaghbo ga, ka sha u i̱ nenge se er se kom ikaren kpee ga, kpa ka sha u ma ne er kwagh u doon shin er se sea lu er se kuma ikaren ga nahan kpaa.

2 Mbakorinte 8:21

Gadia se mba veren ishima sha akaa a dedoo la, ka sha ishigh ki Ter tseegh ga, kpa ka sha ishigh ki iorov kpaa.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 4:8

Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

1 Mbatesalonika 4:12

sha u né zende vough hen mba ve lu ken inya la, man shi ma kwagh môm a̱ de banen ne ga yô.

1 Timoteu 2:2

sha ci u utor man ve mba i ver ve sha a-an a icivirigh la cii sha u se̱ tema bem bem, ayôôso a̱ de lu ga, ken mciviraôndo kua mlu u sha inja sha inja sha hanma gbenda cii.

1 Timoteu 4:12

Ma or nana̱ de lahan we er u ngu wanye ga, kpa hingir mbananjighjigh ikav sha kwaghôron man sha zende man sha dooshima man sha jighjigh u nan man mlu u wang kpaa.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

Mbaheberu 13:18

Eren nen msen sha ci wase, gadia se fa dedoo ser, se mba a imo i dedoo ken ishima, sar se u zenden tsembelee sha akaa cii.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.

Yakobu 3:13

Ka an ken a ven nan lu or u fan kwagh man or u kaven kwagha? Yô, nana̱ pase ase aeren a nan a sha ishima i legh legh i i lu a kwaghfan la sha zende u nan u dedoo.

1 Peteru 2:15

Gadia ishima i Aôndo yô, kape i lu ne, ka u né eren dedoo man né cir abumeaior zwa sha lanegh vegh ye.

1 Peteru 3:16

Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

2 Peteru 3:11

Er akaa cii á va sough kera nahan yô, doo u né lu ken icighanmlu man né lu civir Aôndo nana?

Rutu 3:14

A yav hen angahar a na zan zan sha use; tsô a mough sha shighe u a kav or sha ishi ga yô; gadia a kaa er: I̱ de fe er kwase la a ve hen vande u gbiren iyiav ga.