1 Peteru 2:1 - ICIGHAN BIBILO

¹ Nahan undu nen hanma ifer man hanma icugh man imanger man iwuhe man angereke cii kpaa,

1 Peteru 2:1 Iomraidhean Croise

Yobu 36:13

Mba ve we Aôndo iko ken asema ve ga yô, ve mba a ishima i nyoon; mba keren iwasen shighe u A kange ve la ga.

Upasalmi 32:2

Saan or u TER A ne nan ibo sha ifer i nan ga la, iyol; shi nan lu a icugh ken ishima i nan kpaa ga yô.

Upasalmi 34:13

Kura zwa wou u̱ de er kwaghbo ga, man ityumbuzwaagh you kpaa, i̱ de er kwagh u icughugh ga.

Upasalmi 37:1

Ishima i̱ de vihin we sha ci u mbaerenakaabo ga, man shi de tem kwagh u mbaerenafer la kpaa ga;

Upasalmi 73:3

Gadia m lu tômon kwagh u mbaihaghev, zum u m nenge ikôl-laghen i mbaaferev la yô.

Anzaakaa 14:30

Ishima i bem bem ka uma u iyolough je, kpa iwuhe yô, ka mhee u akuhe.

Anzaakaa 24:1

De tem kwagh u iferor ga, i̱ de hangen we u teman a ve imôngo kpaa ga;

Anzaakaa 24:19

Ishima i̱ de vihin we sha ci u mbaerenafer ga, de tem kwagh u mbaaferev kpaa ga;

Anzaakaa 3:31

De tem mlu u ipiraor ga, man shi de tsough ma gbenda u nan kpaa ga.

Yesaia 2:20

Sha iyange la yô, or nana haa akombo a nan a azurfa kua akombo a nan a zenaria kera, a nan er sha ci u gulen civir a la, nana gema a, nana gbihi ijuhyev man anema,

Yesaia 30:22

Nea hôngor ieev you mbi gban a gba mbi i cir mbi azurfa iyol la, man ieev you mbi haan a haa mbi i cir mbi zenaria iyol la; wea haa mbi kera er kwagh u hôngorough nahan; wea kaa a mbi wer: Kar heen kera.

Mateu 15:7

Ne mbaimangerev, kwagh u Yesaia tsengaôron sha a ven yô, ka vough je, er lu kaa er:

Mateu 23:28

Kape ne kpaa ior ve nengen perapera wen sha ashe la, kpa ken asema a en yô, ne iv a imanger man mvende u vendan atindi.

Mateu 24:51

una gber nan atôôn atôôn, una na nan kwar a mbaimangerev imôngo; mliam maa lu keregh kua anyi a yan.

Mateu 7:5

We, orimangeregh ne, vande dughun gungurkon ken ishe you kera, nahan man u nenge dedoo sha u ú za dugh anivurkon la ken ishe i anmgbian wou kera ye.

Marku 12:15

Kpa A fa atseregh a ve la, nahan A kaa a ve er: Ka nyi ne karen Mo? Va nam nen sule, M nenge sha mi.

Luka 11:44

Kwagh á tser ne! gadia ne mba vough er iwar i i nengen a i ga la nahan, mba zenden sha mi kpaa mba fe ga.

Luka 12:1

Tsô hen shighe la er ior kohol udubu imôngo je, lu ndyaren ayol a ve yô, A gba kaan a mbahenen Nav er: Kura nen ayol a en sha kwagh u kwa u Mbafarishi, ka imanger je la.

Luka 6:42

Shin u er nan man u fatyô u kaan a anmgbian wou wer: Anmgbian, de, m̱ dugh u anivurkon u a lu u ken ishe, man we iyol you, u nenge gungurkon u u lu u ken ishe la ga ase? We orimangeregh ne, vande dughun gungurkon ken ishe you kera, nahan man ú nenge doo doo er ú dugh anivurkon u a lu anmgbian wou ken ishe la kera ye.

YOHANE 1:47

Tsô Yesu nenge Natanael ngur van her a Na yô, A ter un a kaa er: Nenge, mimi je, ka or u Iserael u ma icugh i lu ken a na je ga yô.

Mbaromanu 1:29

Ve iv a hanma inja i ifer man kwaghbo man hua u eren man kwaghvihin, ve mgbough a iwuhe man iwooor, man num man atseregh man inja i vihin. Ka mbaerenangereke,

1 Mbakorinte 14:20

Anmgbianev av, de kera luun nen yev yev sha mhen wen ga; sha gbenda u kwaghbo yô, lu nen anikundanev, kpa sha mhen yô, lu nen mbavesen.

1 Mbakorinte 5:8

Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi.

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

Mbaefese 4:31

Dugh nen hanma ishima i yuan man ishima i nyoon man iyugh man u zôhôn genger genger man ityuhwanev ken a ven kera kua hanma inja i dang kpaa.

1 Mbatesalonika 2:3

Gadia ityesen yase ka i sha mtsum, shin i hôngorough kpaa ga, shin sha atseregh kpaa ga.

1 Timoteu 3:11

Kape kasev kpaa, ve̱ lu mbamimi je la, ve̱ de lu mbaangerev ga, ve̱ lu mbakundunasema, ve̱ lu jighjigh ken akaa cii.

Titu 2:3

Kape kasev mba tamen kpaa ve̱ lu la, mlu ve a̱ kuma icivir, ve̱ de eren angereke ga, ve̱ de lu mba msôrom ma ye tor sha a ve ga, kpa ve̱ tesen akaa a dedoo.

Mbaheberu 12:1

Nahan yô, se kpaa er ikpela i mbashiada i vesen ve kase se yô, sé shir nen hanma ikav kua isholibo i ka i tseren se abur abur la, sé gba nen ayem sha ishima i taver tsung sha gesa u ayemegh u i ver se sha ishi la.

Yakobu 1:21

Nahan yô, gbihi nen hanma kwagh u hôngorough man shi ifer i i dumbur la kera, ngohol nen kwaghôron u i môôr un ken a ven la sha ishima i legh legh, u una fatyô u yiman uuma enev.

Yakobu 3:14

Kpa aluer nea lu a iwuhe i yuan ken ishima shin u wan kwagh wen ayol a en iko tseegh yô, de te nen ihagh ga, shi de eren nen aie sha kwagh u mimi kpaa ga.

Yakobu 4:11

Anmgbianev, de er nen kwagh dang sha ayol a en ga. U nan er kwagh dang sha anmgbian shin nan gbe nan anmgbian u nan ibo tsô yô, ka atindiakaa nan lu ôron sha mi dang ye, shi ka atindiakaa man nan gbe nan a ibo tsô kpaa ye. Aluer u ngu nan tindi ibo yô, u kera ngu or u eren sha tindi ga, kpa u hingir or u ôron tindi ijir.

Yakobu 4:5

Shin ne mba henen ner, ka gbilin tsô icighanruamabera a kaa er: A penda ishima sha jijingi u A na er a̱ tema ken vese la je zan zan iwuhe i gban kpaa yee?

Yakobu 5:9

Anmgbianev, de gbe nen ahon ayol a en ga sha u i̱ de ne ne ibo ga yô. Nenge, Orjir va, ngu tilen sha hunda.

1 Peteru 2:16

Lu nen er mba ve lu ken uikangen ga nahan, kpa mlu wen u ken uikangen ga la a̱ de gem a̱ hingir ne kwagh u yisan ifer a mi ga; lu nen ikpan i Aôndo.

1 Peteru 2:22

A er ma isholibo ga, icugh kpaa i zua a mi sha zwa Na ga.

1 Peteru 3:10

Gadia: Or u i sar nan pe uma a̱ doo nan ishima man shi sar nan pe nengen ayange a dedoo kpaa yô, nana̱ kura nombor u nan sha u ôron kwagh u ifer, man zwa u nan u̱ de er kwagh u icughugh ga,

1 Peteru 4:2

sha u ayange a ken iyol a a shi ne her yô, né kera eren sha asaren a ior ga, kpa i̱ lu sha ishima i Aôndo.

1 Peteru 4:4

Gema ka kpiligh ve iyol er ne kera nyer nongo a ve ken ijimba i eren i ganden ikaa inya la, ga yô; mba gbe lamen sha a ven dang tsô.

Mpase U Yohane 14:5

Ken zwa ve kpaa i zua a aie ga; mba a acôghol iyol ga.