1 Peteru 1:8 - ICIGHAN BIBILO

⁸ A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba.

1 Peteru 1:8 Iomraidhean Croise

I Solomon 1:7

Kaam, we u u doom ishima ne, hen ape u ne ikumuile you toho yô, man hen ape u ver i i mem iyange sha tembe la. Gadia ka nyi man m gbe hingir er or u azende azende hen akumauile a akar a ou nahana?

I Solomon 5:16

Zwa na doo tsung, een, un cii a doo. Ka u a doom ishima je la, shi ka ikarem kpaa, ne ônkasev mba Yerusalem.

I Solomon 5:9

Ka sha nyi man u a doo u ishima la a hemba udoonshima ugene, we u u hembe doon ashe a kasev cii nee? Ka sha nyi man u a doo u ishima la a hembe udoonshima ugene, sha er u we se kwagh taveraa nahana?

Mateu 10:37

Or u ter u nan shin ngô u nan a hembe doon nan ishima a Mo yô, nan kumam ga; man shi or u wan u nan u nomso shin u kwase a hembe doon nan ishima a Mo yô, nan kumam ga;

YOHANE 14:15

Aluer Mea doo ne ishima yô, né kuran atindi Am.

YOHANE 14:21

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

YOHANE 14:24

Or u M doo nan ishima ga yô, nan we kwaghôron Wam iko ga; kwaghôron u ne ongo ne kpaa, ka u Wam ga, kpa ka u Ter u A tindim la.

YOHANE 16:22

Nahan ne kpaa, asema nga vihin ne hegen, kpa Me shi Me nenge a ven, nahan asema a en kpaa aa ember, ma or kpaa nana bunde ne iember yen ga.

YOHANE 20:29

Yesu kaa a na er: Ka sha ci u u nenge a Mo man u ne jighjigh yee? Saan mba ve nenge ga kpa ve ne jighjigh la iyol.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

Aerenakaa A Mbaapostoli 16:34

A va a ve hen ya na, a va ver ve kwaghyan inya, a gba ember a ya na cii, sha ci u ve ne Aôndo jighjigh yô.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

1 Mbakorinte 16:22

Aluer Ter Una doo or ishima ga yô, ifan i̱ kôr nan. Maranata. (Ter ngu van.)

2 Mbakorinte 1:22

Ka Un kpaa A ver se ikav shi A ne se ibumun ken asema ase ye, ka Jijingi je la.

2 Mbakorinte 12:4

nan za ungwa akaaôron a a lu a ôron ga yô, i rumun er or a̱ ôr a ga.

2 Mbakorinte 4:18

Se mba kera veren asema sha akaa a i nengen a mi la ga, kpa ka akaa a i nengen a mi ga la, gadia akaa a i nengen a mi la ka a karen kera, kpa a i nengen a mi ga la gema ka a tsôron je.

2 Mbakorinte 5:7

Gadia ka sha jighjigh u nan se lu zenden ye, ka sha mnenge a nenge ga.

2 Mbakorinte 9:15

I̱ wuese Aôndo sha ci u iwua Na i i gande u ôron la.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbaefese 3:19

u dooshima u Kristu u a gande u fan la a lu yô man shi u kaven un, sha u né iv zan zan m-iv u Aôndo cii.

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

Mbafilipi 1:25

Er i wanger mo nahan yô, m fa, me lu her man me lu a ven cii her kpaa, sha ci u né za hemen man né lu a msaanyol u sha jighjigh u nan kpaa.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbafilipi 4:4

Ember nen ken Ter gbem, shi me kaa mer, ember nen.

Mbaheberu 11:1

Jighjigh u nan yô, ka u fan kwagh u ishimaverenkeghen yase i lu sha mi la dedoo a akpelan a tan ga, ka ikav i akaa a i nengen a mi ga la.

Mbaheberu 11:27

Ka sha jighjigh u nan man a undu Igipiti ye, iyugh i tor kpaa, a kera cia ga, gadia a taver ishima er ngu nengen a u i nengen a Na ga la nahan.

1 Peteru 1:6

Sha kwagh ne yô, ne mba ember kpishi shin er hegen, aluer a gba nahan yô, ameen atô kposo kposo nga vihin ne asema sha anyangem kpeghee.

1 Peteru 2:7

Kape A lu a inja her a ven ne, ne mba ne ne jighjigh ne. Kpa hen mbanan jighjigh ga yô, kwaghôron ugen ngu er: Iwen i mbamaan ve vende i la, ka i je i hingir i sha zongo ye,

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.