1 Peteru 1:6 - ICIGHAN BIBILO

⁶ Sha kwagh ne yô, ne mba ember kpishi shin er hegen, aluer a gba nahan yô, ameen atô kposo kposo nga vihin ne asema sha anyangem kpeghee.

1 Peteru 1:6 Iomraidhean Croise

Upasalmi 119:28

Ishima yinam sha ci u zayol, taver mo sha mkaanem Ou.

Upasalmi 119:75

M fa, TERE, akaaôron a Ou a jirigh ka a perapera je, man er i lu sha jighjigh Wou man U erem ican je ye.

Upasalmi 34:19

Atsan a orperapera ngee, kpa TER ka A dugh nan ken a cii.

Upasalmi 35:10

Akuhe am cii aa kaa er: TERE, ka an nan lu er We? We u U yem icanor sha ikev i or u nan hembe un agee yô, icanor kua oribanave kpaa sha ikev i or u nan ngohol nan akaa sha apera la.

Upasalmi 69:20

Iheen nam ishimavihin je, kondo iyol, agee kera ngam iyol ga; M ker mba mhôônom ma kôr ve a mo, kpa mô lu ga, mbasurun mo ishima kpaa, m zua a min ga.

Upasalmi 9:14

sha u m̱ pase iwuese You cii; ka ken ihinda i wankwase u Shion la, me ember myom Wou ye.

Upasalmi 95:1

Va, sé wa nen icam i wuese TER, sé ember, sé ter nen vande u myom wase.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Mateu 11:28

Va nen her a Mo, ne mba i ver ne iyol cii, ikav mbi yoho ne kpaa, Mo me na ne mmem.

Mateu 26:37

Tsô A kua a Peteru man ônov mba Sebedeu mba uhar mbala a Na imôngo, ishima hii u vihin Un, hingir Un ken ishima dang.

Mateu 5:12

ember nen, i̱ saan ne ken ishima tsung, gadia injar yen vese Sha, gadia kape ve tôv uprofeti mba ve vande a ven la a ican je la.

Luka 1:47

jijingi wam kpaa ngu ember ken Aôndo, Oryiman wam.

Luka 10:20

Kpa de ember nen er ujijingi ve lu sha ikev yen ga, kpa ember nen er i nger ati a en Sha yô.

Luka 2:10

Kpa ortyom la kaa a ve er: De cie nen ga, gadia m va ne a loho u dedoo u iember i vesen u ua lu sha ci u ior cii;

YOHANE 16:22

Nahan ne kpaa, asema nga vihin ne hegen, kpa Me shi Me nenge a ven, nahan asema a en kpaa aa ember, ma or kpaa nana bunde ne iember yen ga.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Mbaromanu 12:12

Ember nen sha ishimaverenkeghen, waan nen ishima ken ican, taver nen ishima sha msen u eren.

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

Mbaromanu 5:2

Ka sha a Na kpaa man se zough a ian i nyôron [sha jighjigh u nan] ken mrumun u sha mhôôn u se til sha mi ne ye, shi se mba wuese ser, se mba a ishimaverenkeghen iengem i Aôndo la.

Mbaromanu 9:2

er zegeijungwen ngum ken ishima, ishima kpaa i vihin mo gbem.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbafilipi 2:26

Hange un u nengen a ven cii, ishima nyian un er ne za ongo er un lu dedoo ga yô.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbafilipi 4:4

Ember nen ken Ter gbem, shi me kaa mer, ember nen.

1 Mbatesalonika 1:6

Ne hingir mbakaven se man shi Ter kpaa, gadia lu sha ican kpishi man ne rumun kwaghôron u Aôndo sha iember i Icighan Jijingi ye.

Yakobu 1:2

Anmgbianev av, i̱ lu ne kwagh u iember tseegh shighe u ameen atô kposo kposo aa va tser ne yô,

Yakobu 1:9

Anmgbian u lun a icivir ga yô, nana̱ ta ihagh sha indi i nan,

Yakobu 4:9

Lu nen kususu, zungwe nen, vaa nen. Ahan a en la a̱ gema a̱ hingir ijungwen, iember yen kpaa, i̱ hingir iuren.

1 Peteru 3:17

Gadia aluer ka ishima i Aôndo u ú ya ican sha shighe u u eren kwagh u dedoo yô, hemba doon a u ú ya ican sha shighe u u eren ifer la.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

1 Samuel 2:1

Nahan Hana er msen kaa er: Ishima yam ngi ember ken TER; i kende korough agh sha ken TER. Zwa wam aver sha mbaihomov av gbangeraa, gadia m ngu ember myem u U yemen yô.