1 Peteru 1:4 - ICIGHAN BIBILO

⁴ se̱ lu a dyako u hôôn ga, u fisee kpaa ga, u usen tsô kpaa ga, u i koso un Sha sha ci wen,

1 Peteru 1:4 Iomraidhean Croise

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Upasalmi 47:4

A sange se dyako wase, ihagh i Yakob u a doo Un ishima yô. Sela.

Yesaia 66:22

Gadia er Sha u he man tar u he, mba Me er ve la, vea lu sha ishigh Yagh gbem nahan, kape vor wen man iti yen vea lu gbem je la, kape TER A kaa la.

Esekiel 47:12

Hen ifi la, sha akpe a na keen man keen, hanma inja i ikon i umen atam ia mende, ika i i ia use ga, atam a i kpaa aa bee ga; ia umen atam iwer iwer, sha ci u mngerem ma i ma dugh hen icighanjiir yô; atam a i kpaa aa lu kwaghyan, man ika i i kpaa ia lu sha ci u been angev.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Marku 10:17

Dugh ngur yemen sha gbenda yô, orgen va ayem, va gure inya sha ishigh Nagh, pine Un er: Ortesen u dedoo, me er nan man me zua a uma u tsôrono?

Aerenakaa A Mbaapostoli 20:32

Hegen yô, m ver ne sha ikev i Ter man shi ikev i kwaghôron Na u sha mhôôn la kpaa, Un u A lu a agee a Una maa ne, Una na ne dyako a mba ve lu uicighanmbaiorov cii imôngo.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaromanu 8:17

Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

1 Mbakorinte 9:25

Hanma or u wan iyol sha iniumbe yô, ka nan kôr iyol i nan tsaha sha akaa cii. Ve yô, ka sha u zuan a tsar u usen tsô, kpa se yô, ka u usen ga.

Mbagalatia 3:18

Aluer dyako una dugh ken tindi yô, ma a kera lu sha ityendezwa ga, kpa Aberaham yô, ka sha ityendezwa je man Aôndo rumun un sha mhôôn ye.

Mbaefese 1:11

Un u se ya dyako ken a na, u i vande veren se la sha awashima u Un u A eren akaa cii sha mhen u awashima Na la.

Mbaefese 1:14

Ka Un man A lu ibumun u dyako wase er Una paa ior mba ve lu kwagh Na jim sha ci u icivir i iengem Na ye.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbakolose 1:12

ne̱ sugh Ter u A na ne ne kuma u lun a kwar ken dyako u uicighanmbaiorov ken iwanger.

Mbakolose 1:5

sha ci u ishimaverenkeghen i i koso Sha sha ci wen la. Ne vande ungwan kwagh u i sha kwaghôron u mimi u Loho u Dedoo la.

Mbakolose 3:24

gadia ne fa ka hen Ter man né va zua a injar i sha dyako ye. Ka Ter Kristu ne eren Un tom ye.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:8

Mase shin tsar u mhembe u perapera u i verem, u Ter Una nam sha iyange la yô, man ka mo tseegh ga kpa ka mba m-ande Na a doo ve la cii.

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.

Mbaheberu 9:15

Ka sha kwagh ne A lu Orhimen u ikuryan i he ye, sha er mba i yer ve yô, ma ve zough a dyako u tsôron u i tende zwa la gadia A kpe ku sha u paan atindi a peren a ken ikuryan i tse la.

Yakobu 1:11

Gadia iyange ka i due i tsee, toho u use, ikparen u u kpaa a ndoor, mdoom ma mluashe na la kpaa ka ma kar kera. Kape ornyar nana use kua ityom i nan eren la cii kpaa.

1 Peteru 3:9

De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô.

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.