1 Peteru 1:3 - ICIGHAN BIBILO

³ I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Peteru 1:3 Iomraidhean Croise

1 Utor 8:15

A kaa er: I̱ wuese TER, Aôndo u Iserael, u A ôr kwagh a terem Davidi sha zwa Na, man A kure un sha uwegh Nagh je, A kaa er:

1 Kroniku 29:20

Tsô Davidi kaa a ior cii er: Yô, wuese nen TER, Aôndo wen. Tsô ior cii wuese TER, Aôndo u uter vev, ve wa ityough inya, ve gure ve civir Aôndo, ve civir tor kpaa.

2 Kroniku 31:8

Zum u Hesekia man atiator ve va, ve va nenge atihi la yô, ve wuese TER, kua ior Nav Iserael kpaa.

Upasalmi 41:13

I̱ wuese TER, Aôndo u Iserael, hii sha uicôronmbaashighev zan zan gbem sha won cii; Amen man shi Amen. Ngun ka sha ci u orhemen u mbawanatsam. Ka ityesen i ônov mba Kora

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Ekesodu 34:6

TER kar sha ishigh nagh gba yôôn er: TERE, TERE, Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je,

Yesaia 26:19

Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

YOHANE 1:13

ka mba i mar ve sha awambe ga, shin sha ishima i iyolough kpaa ga, shin sha ishima i or kpaa ga, kpa ka Aôndo je mar ve ye.

Mbaromanu 12:12

Ember nen sha ishimaverenkeghen, waan nen ishima ken ican, taver nen ishima sha msen u eren.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 4:25

Ka Un u i ne Un ken ku sha ci u akaabo ase shi i nder Un kpaa sha ci u ishô yase ye.

Mbaromanu 5:10

Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Mbaromanu 8:11

Kpa aluer Jijingi u Wen u A nder Yesu shin mbakpenev la Una tema ken ven yô, Wen u A nder Yesu shin ku la Una na ayol a en a á va kpen la uma sha Jijingi Na u A tem ken ven la.

Mbaromanu 8:24

Ka sha ishimaveren ne i yima se ye. Kpa ishimaverenkeghen i i nenge a mi yô kera ka ishimaverenkeghen la ga. Gadia kwagh u or nan nenge a mi kera yô, á er nan man shi nana lu a ishimaverenkeghen sha mini?

1 Mbakorinte 13:13

Hegen yô, akaa ne nga lun her, ka jighjigh u nan man ishimaverenkeghen kua dooshima, nga atar je; kpa kwagh u hemban ken a yô, ka dooshima.

1 Mbakorinte 15:20

Kpa mimi je i nder Kristu shin mbakpenev, ka iyiagh ki tsutswagh ken mba ve kpe kera la.

2 Mbakorinte 1:3

I̱ wuese Aôndo Ter u Ter wase Yesu Kristu, ka Ter u A lu a mhôônom ma zungwen man ka Aôndo u A lu a ishimasurun cii,

Mbagalatia 6:16

Man mba ve dondo tindi ngun ne cii yô, bem man mhôônom ma zungwen ma̱ lu sha a ve kua sha Iserael u Aôndo kpaa.

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbaefese 1:3

I̱ wuese Aôndo, Ter u Ter wase Yesu Kristu u A ver se sha hanma iveren i dedoo i ken jijingi sha ajiir a Sha ken Kristu.

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je

Mbaefese 3:20

Un yô, A fatyô u eren kwagh sha agee a a lu eren tom ken vese la je á hemba kwagh u se sen shi se lu henen la ica je kpaa.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

1 Mbatesalonika 1:3

Ka sha ishigh ki Aôndo Ter wase man se lu umbur tom wen u sha jighjigh u nan gbem ye, man gbashima wen u sha tom u dooshima man ishimawan yen i sha ishimaveren keghen Ter wase Yesu Kristu la.

1 Mbatesalonika 4:13

Kpa, anmgbianev, sar se ka ma ne lan kwagh u mba ve kpe kera la ga, sha u ne̱ de kera zungwen er mbagenev mba ve lu a ishimaverenkeghen ga la nahan ga.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

1 Timoteu 1:14

Kpa mrumun u sha mhôôn u Ter wase ngee gande man jighjigh u nan kua dooshima mba ve lu ken Kristu Yesu la.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Mbaheberu 3:6

Kpa Kristu yô lu jighjigh sha ya Na, lu Wan je. Man ka se se lu ya Na ye, aluer se kôr ave gbang gbang sha vangertiôr wase man ihagh i sha ishimaverenkeghen yase la zan zan mkur yô.

Yakobu 1:18

Ka sha awashima Na A mar se sha kwaghôron u mimi la ye. Ka sha u se̱ lu er ka iyiav mbi tsutswav nahan ken akaa a Un gbe la.

1 Peteru 1:13

Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Peteru 1:23

Gadia i mar ne hegh lu sha vor u hôôn la ga, kpa lu sha u hôôn ga la, lu sha mkaanem ma Aôndo ma ma lu uma man ma lu ma tsôron kpaa.

1 Peteru 2:2

man atumba a man a mimi a sha kwaghôron u Aôndo la a̱ sar ne tsung er anikundanev mba forototo nahan, sha er né vese sha mi u zan ken myom yô,

1 Peteru 3:15

Kpa gema tsegha nen Kristu ken asema a en, A̱ lu Ter, waan nen ago iyol veren nen a ver sha u né na imo sha mpin u hanma or u nana pine ne ityôikaa i ishimaverenkeghen i i lu ken a ven la, kpa i̱ lu sha ishima i legh legh man sha mcie kpaa.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Peteru 3:5

Gadia kape uicighanmbaukase mba tsuaa mba ishimaverenkeghen ve i lu sha Aôndo la kpaa, ve eren hwe je la, ve ungwan imo i noov vev.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 3:3

Hanma or u nan lu a ishimaverenkeghen ne sha a Na yô, ka nan wanger iyol i nan er Un kpaa A lu wang nahan.

1 Yohane 3:9

Hanma or u Aôndo A mar nan yô, nan eren isholibo ga, gadia vor Na ngu ker a nan; man nana fatyô u eren isholibo ga, gadia ka Aôndo A mar nan ye.

1 Yohane 4:7

Ne mbadoon mo ishima, se doo nen ayol a ase, gadia dooshima yô, ka her Aôndo a dugh ye; hanma or u nan lu a dooshima kpaa, ka Aôndo A mar nan ye, shi nan fa Aôndo kpaa.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.

1 Yohane 5:18

Se fa, hanma or u Aôndo mar nan yô, nan eren isholibo ga, kpa u Aôndo a mar nan yô, nan kor a kura iyol i nan, mayange Orbo benden nan ga.

1 Yohane 5:4

Gadia hanma kwagh u Aôndo A mar yô, hembe tar; man mhembe shon u a hembe tar yô, ka un ne; ka jighjigh wase u nan.