1 Peteru 1:21 - ICIGHAN BIBILO

²¹ Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Peteru 1:21 Iomraidhean Croise

Upasalmi 42:5

Ishima yam, ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Yeremia 17:7

Or u nan suur sha TER yô, saan nan iyol, u TER A lu ishuur u nan yô.

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

YOHANE 12:44

Tsô Yesu genger imo kaa er: Or u nan nem jighjigh yô, ka Mo nan nem jighjigh ga, kpa ka Un u A tindim la,

YOHANE 14:1

Asema a̱ de kera te ne kwe ga; na nen Aôndo jighjigh, Mo kpaa nam nen jighjigh.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 17:5

Hegen yô, Tere, nam icivir hen We, sha icivir i M lu a mi her a We je, er i lu a gba tar ga la.

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

Aerenakaa A Mbaapostoli 2:24

kpa Aôndo nder Un, A sagh mnyoonom ma kuugh kera sha ci u u fetyô u kusun Un ga yô.

Aerenakaa A Mbaapostoli 3:13

Ka Aôndo u Aberaham man Isaka man Yakob, ka Aôndo u uter asev, A civir Wanakiriki Na Yesu ye, Un u ne na Un kera, ne nyiman Un sha ishigh ki Pilatu zum u wa ishima u una pase Un á tuhwa yô.

Aerenakaa A Mbaapostoli 3:15

Ne wua Tor u uma, kpa Aôndo nder Un shin mbakpenev; se yô, se mba mbashiada sha kwagh ne.

Aerenakaa A Mbaapostoli 4:10

kwagh ne a̱ hingir ken igbar her a ven cii man shi hen nongoior u Iserael cii kpaa, ka ken iti i Yesu Kristu Ornasareti, u ne mande Un sha terankon, u Aôndo nder Un shin mbakpenev la, ka sha ci Na man or ne a til sha ishigh yenegh heen wanger wanger nahan ye.

Mbaromanu 10:9

Aluer u pase sha zwa wou wer, Yesu ka Ter, shi u na jighjigh ken ishima you wer, Aôndo nder Un shin mbakpenev yô, ú war.

Mbaromanu 4:24

kpa ka sha ci wase kpaa, ka se mba á na se ishô la, se mba se ne Un u A nder Ter wase Yesu shin ku la jighjigh.

2 Mbakorinte 6:15

Ka nyi i zough Kristu a Belial la? Shin ka sha nyi man kwagh u or u nan ne jighjigh a zua a u nan ne jighjigh ga laa?

Mbaefese 1:15

Sha ci u nahan yô, mo kpaa zum u m ungwa jighjigh wen u nan u ne ne Ter Yesu la man shi dooshima u uicighanmbaiorov cii ve doo ne ishima la,

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

1 Timoteu 1:1

Paulu, apostoli u Kristu Yesu sha imo i Aôndo Oryiman wase man shi Kristu Yesu, ishimaverenkeghen yase,

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 2:9

Kpa se mba nengen a Yesu u i ver Un A yina sha mbatyomov mba Shaav sha anshighe kpeghee la. Ka sha ci u ican i kuugh la man i cir Un iengem iyol kua icivir kpaa ye, sha u Una kav mlu u kuugh sha ci u ior cii, sha mhôônom ma Aôndo.

Mbaheberu 6:1

Nahan yô, se de nen kwaghôron u hiihii u sha kwagh u Kristu la, se za nen hemen sha mlu u vian la, sé kera kimbir u wan imagh ki mgemshima u sha aeren a a lu kpenegh la ga, shin u nan Aôndo jighjigh,

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Peteru 1:11

Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mi zum u A tsengapasen atsan a Kristu man iengem i ia dondo sha mi la.

1 Peteru 1:3

I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Peteru 3:22

A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikev.