1 Peteru 1:12 - ICIGHAN BIBILO

¹² I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.

1 Peteru 1:12 Iomraidhean Croise

Ekesodu 25:20

Ucerubi mbala ve̱ naregh akper a ve, ve̱ cir ijiir i nan iwom her la sha akper a ve, ve̱ zua ishigh ayol a ve; ishiv mbi ucerubi mbi kenger ijiir i nan iwom her la.

Anzaakaa 1:23

Wa nen myange wam iko, tsô me haa ne jijingi wam, me pase ne akaaôron am.

Yesaia 32:15

zan zan á haa se Jijingi u Sha man desereti una hingir sule u ikon i umen atam man sule u ikon i umen atam kpaa ia hingir er ka ikô nahan.

Yesaia 53:1

Ka an je nan ne kwagh u i pase se la jighjighii? Man i pase uwegh ku TER hen ana?

Daniel 10:1

Sha inyom i sha utar i Shirushi tor u Pershia la, i pase Daniel, u i yilan un er Belete-shasar la kwagh; kwagh la lu kwagh u mimi je, lu kwagh u ican i vesen; a kav kwagh la, mpase u sha mnenge la wanger un.

Daniel 12:13

Kpa we, yem tsô, zan zan mkur; gadia ú mem, man ú mough ú tile sha kwar wou, sha mkur u ayangegh.

Daniel 12:9

A kaa er: Yem tsô Daniel, gadia i cir akaaôron la; i ver a ikav zan zan ar sha shighe u mkur la.

Daniel 2:19

Tsô i pase Daniel kwaghmyer ne ken mpase u sha mnenge, tugh. Nahan Daniel wuese Aôndo u Sha,

Daniel 2:22

Ka Un A pasen akaacimin man a ken myer ye; A fa kwagh u a lu ken ime, iwanger ngi tem a Na.

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 8:13

Nahan m ungwa icighanor lu ôron kwagh; man icighanor ugen gema kaa a u a lu ôron kwagh la er: Mpase u sha mnenge ne una lu ica ia gba nan je, sha kwagh u nagh ku nanden ku gbem la man mper u tindi u nan mtim sha u nan icighanjiir man ikum i Sha u shoghol angahar sha mi laa?

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Yoel 2:28

Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge;

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 15:10

Me kaa ne, kape m-ember una lu sha ishigh ki mbatyomov mba Aôndo sha ci u orsholibo môm u nan gem ishima la.

Luka 2:26

Icighan Jijingi lu pase un er una kpe ve ga saa una vande nengen Kristu u Ter ve.

Luka 9:6

Nahan ve due ve gba zenden nyôron angarev mba kiriki, ve lu ôron ior Loho u Dedoo, shi ve lu waren mbauangev kpaa.

YOHANE 15:26

Kpa Orsurunshima u Me tindi ne a Na hen Ter, ka Jijingi u mimi u A dugh ken Ter je la, Una va yô, ka Un je Una pase kwagh Wam ye.

Aerenakaa A Mbaapostoli 10:44

Tsô Peteru ngur ôron akaa ne nahan yô, Icighan Jijingi haa sha mba ve lu ungwan kwaghôron la cii.

Aerenakaa A Mbaapostoli 16:10

Tsô nengen mpase u sha mnenge la nahan yô, fese je se gba nôngon u peren zan Masedonia, gadia se fa mimi je, ka Aôndo A yer se sha u se̱ za ôr ve Loho u Dedoo ye.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 4:31

Tsô mba eren msen kera yô, ijiir i ve kohol her la, i tenger, ve cii i iv ve a Icighan Jijingi, ve gba ôron kwaghôron u Aôndo vangertiôr.

Aerenakaa A Mbaapostoli 4:8

Nahan er Peteru iv a Icighan Jijingi yô, a kaa a ve er: Ne mbavesen mba nongoior ne man ne mbatamen,

Aerenakaa A Mbaapostoli 8:25

Tsô er ve pase kwagh sha gbashima man ve ôr kwagh u Ter kpaa yô, ve hide hen Yerusalem, ve lu pasen Loho u Dedoo ken angarev mba Mbasamaria kpishi.

Mbaromanu 1:15

Ka nahan man i hangem pe ôron ne mba ne lu ken Roma Loho u Dedoo kpee ye.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

Mbaromanu 10:15

Man shi á er nan man vea ôr kwaghaôndo aluer a tindi ve ga yôô? Kape i nger la er: Angahar a mbayôôn loho u akaadoon la a doo tsô!

Mbaromanu 15:19

man sha agee a uivande man akaa a kpilighyol man sha agee a Icighan Jijingi kpaa. Nahan hii ken Yerusalem ningir zan zan ar ken Ilirikum m ôr Loho u Dedoo u Kristu m tser.

1 Mbakorinte 2:10

Kpa se yô, Aôndo gema pase se a sha Jijingi. Gadia Jijingi tev akaa cii, zan zan akaacimin a Aôndo je kpaa.

2 Mbakorinte 1:22

Ka Un kpaa A ver se ikav shi A ne se ibumun ken asema ase ye, ka Jijingi je la.

2 Mbakorinte 6:6

man mlu u wang, man kwaghfan, man ishima i wan, man mlu u sar sar, man Icighan Jijingi, man dooshima u lun a imanger ga,

Mbagalatia 1:12

Gadia ka hen or man mo m ngohol i ga, ka or nan tesem i kpaa ga, kpa lu sha mpase u Yesu Kristu je.

Mbagalatia 1:16

zum u i doo Un u pasen Wan Na hen a mo sha u m̱ za pase Un ken atôatyev la yô, fese je m kera ker mhen hen or ga,

Mbaefese 3:10

Ka sha u hegen nongo u Kristu u̱ pase mbatarev man mbautahav mba sha ajiir a Sha la ve̱ fa kwaghfan u Aôndo u a dumbur la,

1 Mbatesalonika 2:9

Gadia, anmgbianev, ne umbur tom wase u sha ican man u sha gbashima, gadia se ôr Loho u Dedoo u Aôndo kpa se lu eren tom tugh man tetan sha u sé kera za mô wen iyol zum u se lu pasen ne Loho u Dedoo u Aôndo la, ga yô.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 11:13

Ka ken jighjigh u nan man mban cii ve kpe ye, ve lu a ngohol uityendezwa ga, kpa ve nenge a ve ken ica, ve ember ve, ve pase gbar gbar er ve lu mbavannya man ushirmbaiorov shin tar yô.

Mbaheberu 2:4

Aôndo kpaa lu eren shiada a ve imôngo sha uivande man sha akaa a kpilighyol man akaa a ageegh atô kposo kposo man shi sha ikwar i karen i Icighan Jijingi sha ishima Na kpaa.

Mbaheberu 4:2

Gadia se kpaa, i ôr se Loho u Dedoo vough er i ôr mbala nahan. Kpa loho la lu ve a inja ga gadia u zua a jighjigh u nan hen ve mba ve lu ungwan la ga.

1 Peteru 1:25

kpa kwaghôron u Ter yô, ngu tsôron gbem zan zan. Man ngun ka kwaghôron u Loho u Dedoo u i ôr ne u je ne.

1 Peteru 4:6

Gadia ka nahan man mbakpenev kpaa i ôr ve Loho u Dedoo sha u á ôr ve ijir ken iyol sha inja i mlu u ior la, kpa ve̱ gema ve̱ lu uma sha inja i mlu u Aôndo la.

Mpase U Yohane 5:11

Tsô m nenge, nahan m ungwa imo i mbatyomov mba Shaav kpishi ve kase ikônough ki torough kila man akaauma la man mbatamen mbala. Iyenge ve lu dubu pue kwa dubu pue man udubu kwa dubu;