Tito 3:3 - Tokelauan New Testament

³ Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Tito 3:3 Iomraidhean Croise

Mataio 21:29

Kua tali mai tona ataliki, ‘Ko au e hē fano.’ Kae mulimuli ake, kua toe hui tona māfaufau ma na fano ai oi galue.

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Ioane 8:34

Oi lea atu ai ia Iehu ki ei, “E takutino atu e au ki a te koutou te meamoni: ho he tino e agahala, ko he pologa tēnā e a te agahala.

Loma 11:30

Kae vē la ko koutou tagata nukukehe, e i ei te taimi na teteke ai koutou ki te Atua. Kae i te taimi nei, kua teteke ia tagata Ihalaelu ki te Atua, ma kua fakaalia tona alofa fakahao mo koutou.

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 6:6

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Kolohe 1:21

E i ei te vāitaimi na mamao lele ai koutou ma te Atua ma na kavea ai koutou ma ona fili, ona ko nā āmioga kino a koutou nae fai vēnā ma outou māfaufauga kino.

Kolohe 3:7

E i ei te vāitaimi nae fai ai e koutou nā uiga iēnei, ka koi pūlea mālohi ai nā ola o koutou e nā uiga iēnei.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

2 Timoteo 3:6

Ko iētahi o ki lātou e olo ki loto o nā fale o iētahi tino, ma pule kātoa ai ki lātou ki nā fafine e vāivai nā loto ma tumu i te fakaatu ona ko a lātou agahala, ma e takitakia e te lahi o itūkāigā lagona,

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Iakopo 1:26

Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

1 Petelu 1:14

Uhitaki ki te Atua, ma nahe pūlea outou ōlaga e nā manatu nae ia te koutou kae ko hēki koutou iloa ai te Tala Lelei e uiga ki a Iehu Keliho.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 18:2

Kua kalaga leo lahi vēia, “Ko te Kakai Takutakua ko Papelona kua fakatōkilalogia! I te taimi nei, kua fai ma nofoaga o tēmoni ma agaga kino, ma itūkāigā manulele palapalā ma te inohia.