Maleko 9:2 - Tokelauan New Testament

² Kua teka atu nā aho e ono, oi kave ai e Iehu ia Petelu, ko Iakopo, ma Ioane kua olo ma ia ki luga o he mauga maualuga nā ko ki lātou. Oi hūia ai te tino o Iehu kae kikila atu ki lātou,

Maleko 9:2 Iomraidhean Croise

Mataio 14:13

Kua fakalogo ia Iehu ki te mea kua tupu ki a Ioane, oi fano kehe ai mai kinā, kua fano i he vaka ki he kogāfenua e tū fua. Kua iloa e tagata te mea kua fano ki ei ia Iehu, oi tukua ai e ki lātou nā kakai e nonofo ai kae olo kui gāuta oi mulimuli ki ei.

Maleko 14:33

Kua kave e ia ia Petelu, Iakopo, ma Ioane, kua olo ma ia. Kua lagona e ia te fakanoanoa lahi ma te fakaatu.

Maleko 16:12

Kua uma atu te mea tēnā, oi fakakitea ai ia Iehu i he tūlaga e kehe mai i te fakakiteaga muamua, ki ni hoko e toka lua ka koi havavali kehe atu ki lāua mai te kakai.

Maleko 5:37

Oi vavao ai e Iehu ke nahe i ei he tino e toe mulimuli ake i tana kau ki te fale o Iāilo, kae vaganā ai ia Petelu, ma Iakopo ma Ioane te uho o Iakopo.

Luka 6:12

I nā aho lava iēnā, na fano ai ia Iehu ki luga o he mauga oi tatalo ai; na fano te pō kātoa e tatalo ki te Atua.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

2 Kolinito 13:1

Ko te tolu tēnei o taimi e fanatu ai au oi āhiāhi atu ki a te koutou. E vē oi lea mai te tuhituhiga paia, “Ho he mōliaga, e tatau ke fakamāonia i te molimau, a ni tino e toka lua pe hili atu.”

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.