Maleko 8:2 - Tokelauan New Testament

² “Ko au te alofa ki nā tino iēnei auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai.

Maleko 8:2 Iomraidhean Croise

Mataio 14:14

Kua fanake ia Iehu ki gāuta mai te vaka, oi ia kitea atu ai te tokalahi o te kaifenua. Na tumu tona loto i te alofa ki a te ki lātou, ma fakamālōlō ai e ia nā tino o ki lātou nae maua i nā tauale.

Mataio 20:34

Na lagona e Iehu te alofa ki a te ki lāua ma na tago ai ki o lā mata; ma ko te taimi lava tēnā na mafai ai ke kitea e o lā mata, oi mulimuli atu ai ki lāua ki a Iehu.

Mataio 9:36

I te kikila atuga o Iehu ki te kaifenua, oi na tumu ai tona loto i te alofa ki a te ki lātou, auā e maua ki lātou i te popole ma te atuatuvale, e vē ki lātou ni māmoe e hēai ho lātou leoleomāmoe.

Maleko 1:41

Kua tumu lele ia Iehu i te alofa, oi papae atu ai kua paki atu tona lima ki te lēpela ma lea vē atu ki ei, “Ko au e loto ki ei. Mamā loa!”

Maleko 5:19

E hēki talia e Iehu. Ka kua vāgana vē atu ki ei, “Toe liliu ki te fale ki tō kāiga ma lea ki ei ki te lahi o nā mea kua fai e te Aliki mo koe, ma te lahi o tona agalelei ki a te koe.”

Maleko 6:32

Oi olo ai i he vaka nā ko ki lātou, ki he kogāfenua e tū fua.

Maleko 6:34

Koi fanake ia Iehu ki gāuta mai te vaka, kae ia kitea atu te tokalahi o te kaifenua, oi na tumu ai tona loto i te alofa ki a te ki lātou, auā e vē ki lātou ni māmoe e hēai ho lātou leoleomāmoe. Na kāmata loa oi akoako atu e ia nā mea e lahi.

Maleko 8:3

Kāfai nei ka uga e au ke olo ka ko hēki i ei he lātou mea e kai, e matapogia nei ni tino i te auala auā ko iētahi tino e mamao lele nā koga na ōmamai ai.”

Maleko 9:22

E lahi nā taimi e taumafai ai te agaga kino ke tāmate toku ataliki oi e ia togia ki loto o te afi ma ki loto o te vai. Alofa ko ma fehoahoani mai ki a te ki māua kāfai e kē mafaia!”

Luka 15:20

Oi tū ai ki luga, kua toe foki ki tona tamana. “Ka koi mamao lele te mea e havali mai ai, ka kua kitea atu e tona tamana; kua tumu lele te loto o te tamana i te alofa, oi vili atu ai oi ōpoi mai tona ataliki, ma hogi ki ei.

Luka 7:13

I te kitea atuga e te Aliki te fafine, oi fakatumulia ai tona loto i te alofa, ma lea vē atu ki ei, “Koe nahe tagi.”

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.