Maleko 7:9 - Tokelauan New Testament

⁹ Kua toe vāgana atu ia Iehu, “Kua teteke e koutou te tūlāfono a te Atua kae ke mulimuli ai pea koutou ki autou akoakoga.

Maleko 7:9 Iomraidhean Croise

Maleko 7:13

Kua fai autou akoakoga iēnei ki nā tino, ma mea kua fakahēaogā ai e koutou te kupu a te Atua. E lahi foki iētahi mea vēnei e fai e koutou.”

Maleko 7:3

(Auā ko te kau Falehaio ma tagata Iutaia uma, e tauhihi lava ki nā akoakoga na ki lātou maua mai i o lātou tupuna; e hē mafai ke kakai heiloga e mua fafano o lātou lima, e vē ko te tu tau tāpuakiga kua māhani ai.

Maleko 7:5

Kua fehili atu te kau Falehaio ma nā faiakoga o te Tūlāfono ki a Iehu, “He ā te hē mulimuli ai nā hoko o koe ki nā akoakoga na tuku mai e o tātou tupuna, kae kakai vē lava ma o lātou lima hē mamā?”

Loma 3:31

Ko tona uiga e fakahēaogā e ki tātou te Tūlāfono ona ko ki tātou e fakatuatua? Hēai, kae e fakamautū lelei ai e ki tātou te Tūlāfono, e vē ko te tūlaga e tatau ona i ei ai.

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

Kalatia 1:14

Nae hili atu toku mālamalama i te tāpuakiga Iutaia i lo te tokalahi o iētahi tino Iutaia o oku tupulaga, ma nae hili atu foki toku pipiki mau ki nā tū a o mātou tupuna.

Kalatia 2:21

E hē tetekea e au te alofa tūnoa o te Atua. Kae kāfai he tino e fakaleleia tona va ma te Atua e ala i te Tūlāfono, ko tona uiga e hēai he uiga na oti ai ia Keliho.

2 Tehalonia 2:4

Ka teteke ia ki ho he itūkāigā atua pe ho he mea e ifo tāpuaki ki ei ia tagata, ma ia fakahilihilia ia i lo nā mea uma iēnei. Ka mafai foki ia ke fano ki loto o te Mālumalu o te Atua ma nofo ki lalo, ma lea ko ia ko te Atua.