Maleko 7:5 - Tokelauan New Testament

⁵ Kua fehili atu te kau Falehaio ma nā faiakoga o te Tūlāfono ki a Iehu, “He ā te hē mulimuli ai nā hoko o koe ki nā akoakoga na tuku mai e o tātou tupuna, kae kakai vē lava ma o lātou lima hē mamā?”

Maleko 7:5 Iomraidhean Croise

Mataio 15:2

“He ā te hē uhitaki ai nā hoko o koe ki nā akoakoga na tuku mai e o tātou tupuna? E hē fufulua o lātou lima e vē ko te mea na fakatonu mai ai ki tātou, ka ko hēki kakai!”

Maleko 7:13

Kua fai autou akoakoga iēnei ki nā tino, ma mea kua fakahēaogā ai e koutou te kupu a te Atua. E lahi foki iētahi mea vēnei e fai e koutou.”

Maleko 7:8

“Kua tuku kehe e koutou nā fakatonuga a te Atua, kae uhitaki ki nā akoakoga a tagata.”

Maleko 7:9

Kua toe vāgana atu ia Iehu, “Kua teteke e koutou te tūlāfono a te Atua kae ke mulimuli ai pea koutou ki autou akoakoga.

Gāluega 21:21

Kua uma te ki lātou iloa tau gāluega e fai i te akoakoga o tagata Iutaia uma e aumau i nā nukukehe, ke nahe toe mulimuli ki te Tūlāfono a Mohe, ma ke nahe toe pelitomea a lātou fānau, pe tauhihi ki nā tū faka-Iutaia.

Gāluega 21:24

Fano i te lātou kau ma kau fakatahi ma ki lātou i te hāuniga mo te fakamamāgia, ma totogi e koe mo ki lātou te tupe e tatau ke ki lātou totōgia mo te hāuniga, kae ke mafai ai ke tafi tula o lātou ulu. I te faiga tēnei, ka iloa ai e tagata uma, e hēai he mea e fokotahi e hako i nā fakamatalaga uma kua ki lātou maua e uiga ki a te koe, kae ko koe e ola tauhihi lava ki te Tūlāfono a Mohe.

Loma 4:12

Ko ia foki ko te tamana o ki lātou kua uma te pelitome, ko tona uiga, ko nā tino e hē gata i te kua uma o te pelitome, ka nae ola foki i he ōlaga fakatuatua e vē ko te ōlaga nae ola ai ia Apelaamo, ka ko hēki pelitome ai.

Kalatia 1:14

Nae hili atu toku mālamalama i te tāpuakiga Iutaia i lo te tokalahi o iētahi tino Iutaia o oku tupulaga, ma nae hili atu foki toku pipiki mau ki nā tū a o mātou tupuna.

2 Tehalonia 3:11

Ko ki mātou e lea vēnei atu ona kua fakalogo ki mātou, e i ei nā tino o koutou e ola i he ōlaga paiē ma hē faigāluega, kae nā ko te aiā tauanoa lava ki nā mea a iētahi tino.

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.