Maleko 7:4 - Tokelauan New Testament

⁴ E hē mafai foki ke kakai ki ho he mea e kaumai i te māketi heiloga ke fufulu muamua. E mulimuli foki ki te lahi o iētahi tūlāfono, e vē ko te faiga tonu e fufulu ai nā ipuinu, nā ulo, nā ipu apamemea ma nā moega.)

Maleko 7:4 Iomraidhean Croise

Mataio 23:25

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua. E fufulu e koutou ia fafo o autou iputi ma autou ipukai, kae ko loto e tumu i nā mea na koutou maua i te tuinanau ma te mānumanu.

Mataio 23:26

Koutou nā Falehaio tāuaho! Fufulu muamua ia loto o autou iputi ma autou ipukai, oi ka mamā ai foki ma fafo!

Mataio 27:24

I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”

Maleko 7:8

“Kua tuku kehe e koutou nā fakatonuga a te Atua, kae uhitaki ki nā akoakoga a tagata.”

Ioane 2:6

E ono ia hioki tukuvai lalahi e gaohia i te fatu nae fakatutū i kinā, ona ko te tū a Iutaia e uiga ki te fakamamāgia. Ko te hioki tukuvai e fokotahi, e tuha ma te helau lita e tumu ai.

Ioane 3:25

Ko iētahi hoko o Ioane, kua kāmata oi fai fīnauga ma he tino Iutaia e uiga ki te fakamamāgia.

Epelu 9:10

ona ko nā mea iēnei ni mea tau meakai, meainu, ma nā faiga kehekehe e mafai ai ia tagata ke fakamamāgia. Ko nā mea uma iēnei ni tūlāfono mo te kikila atu i fafo, e fakaaogā oioti ke pa ki te taimi e hui ai e te Atua i ni mea fou e hili atu te lelei.

Iakopo 4:8

Fakatafapili ki te Atua, oi fakatafapili mai ai ia ki a te koutou. Fafano outou lima, koutou nā tino agahala! Fakamamā outou loto, koutou nā tino fakagutugutulua!

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.