Maleko 5:7 - Tokelauan New Testament

⁷ kae kalaga leo lahi lele, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ki a te koe i te igoa o te Atua, nahe kē fakahāuā mai ko ki a te au!”

Maleko 5:7 Iomraidhean Croise

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 26:63

Kae ko Iehu kua hē kīkī lele. Oi toe fehili atu ai ki ei te Ulu Ohitāulaga, “Ko au e lea atu nei ki a te koe i te igoa o te Atua ola, taku mai ki a te ki mātou te meamoni: ko koe moni ko te Mehia, te Ataliki o te Atua?”

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Maleko 1:24

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe — ko koe ko te kavefekau paia a te Atua!”

Maleko 14:61

Kae ko Iehu kua hē kīkī lele pe tali atu ki ei. Oi toe fehili atu ai ki ei te Ulu Ohitāulaga, “Ko koe moni ko te Mehia, te Ataliki o te Atua Mamalu?”

Maleko 3:11

Ko taimi uma lava e kitea atu ai ia Iehu e nā tino e ulufia e nā agaga kino, oi fakapakukū ai ki mua o ia kae taufōlua vē, “Ko koe ko te Ataliki o te Atua!”

Maleko 5:6

I te ia kitea atuga o Iehu ka koi mamao mālie atu, oi vili atu lava fakapakū ifo ki ona tulivae i mua o Iehu,

Maleko 5:8

Kua māfua te lea vēnā o te tamāloa ona ko Iehu na lea vē, “Te agaga kino, hau ki fafo mai te tamāloa tēnā!”

Luka 1:32

Ka kavea ia ma tagata tāua lahi, ma ka takua ia ko te Ataliki o te Atua Hilihilikehe. Ka fai ia ma tupu e te Aliki te Atua, e vē ko tona tupuna ko Tavita,

Luka 4:34

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe: ko koe ko te kavefekau paia a te Atua!”

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Luka 8:28

I te ia kitea atuga o Iehu, oi kekē lahi ai kae fakapakū ki tafa o ona vae, ma taukalaga vē, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ke nahe kē fakahāuā mai ko ki a te au!”

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Gāluega 16:17

Nae taumulimuli ki a Paulo ma ki mātou ma taufōlua vē, “Ko nā tino iēnei ni kaukauna e a te Atua Hilihilikehe! E fakailoa atu e ki lātou te auala e mafai ai koutou ke fakaolagia.”

Gāluega 19:13

E i ei ni tino Iutaia nae feoaki ma tuli ki fafo nā agaga kino, ma nae taumafai foki ke ki lātou fakaaogā te igoa o te Aliki ko Iehu ke fai ai te mea tēnei. Nae lea vēnei atu ki nā agaga kino, “E kō fakatonua atu koutou i te igoa o te Aliki ko Iehu, tēia e tālaki e Paulo.”

Gāluega 8:36

Ka koi fakaauau te malaga i luga o te auala, oi tau atu ai ki he koga e i ei ni vai, oi lea vē atu ai te eunuka, “Kikila, iēnā nā vai! He ā te hē mafai ai au ke papatiho?”

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Epelu 2:14

Ona la ko nā fānau, e vē oi fakaigoa ai ki lātou e ia, ni tino e o te kanofi ma te toto, na ia faia ai ia ia lava, ke vē ko ki lātou. Na fai e ia te mea tēnei, kae ke kavea ai tona mate ma auala e fakatōkilalo ai te Tiāpolo, tē e pule ki te oti,

Epelu 7:1

Ko te Melekiheteka tēnei nae fai ma tupu o Halema ma ko he ohitāulaga e a te Atua Hilihilikehe. I te foki ifoga o Apelaamo mai te taua na fakatōkilalo ai e ia nā tupu e toka fa, na fakafetaui ki ei ia Melekiheteka ma tuku atu ki ei tana fakamanuiaga;

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.

Fakaaliga 12:12

Ko te lagi la ma nā tino uma e nonofo ai e tatau ke fiafia! Kae hāloa la te lalolagi ma te tai! Auā ko te Tiāpolo kua fanaifo ki lalo ki a te koutou ma e tumu i te tōkahā lahi, auā e ia iloa e pukupuku lele tona taimi koi totoe.”